好多人都會問，當身邊的朋友也好，伴侶也好，佢地有情緒既時候，除左專心去聽佢地講野，同埋唔好講「你唔好唔開心」呢D難聽過粗口既說話之外，仲可以回應些什麼。畢竟剩係聽唔回應亦會好尷尬 倒不如試下，係聽人地講野既時候，做些「總結」來回應對方。 即係點？其實就有如你細個中文堂做過無數次既「重組句子」同「撮寫句子」一樣，將對方講既野做少少既整合，講番比對方聽。 例如，你老婆同你講：「奶奶今日又黎話要睇允豬，玩到HIGH哂，搞到佢而家又扭計又唔訓，我點唔你話」 你可以做D總結：「哎呀，阿媽整到允豬訓唔到教...」 又例如你娘親搵你呻：「唉，你阿哥咁大個人都冇番個伴，點算啊，個前妻MAY又不知所謂，而家幾廿歲人冇個伴第時點算」 你又可以用總結來回應：「阿哥又係到而家都未有女朋友既」 好似有點兒低智，但其實極為好用。君不見政府高官成日都係咁，用總結來回應而又冇提出到什麼意見。其一、咁做可以明確地令對方感覺到你認真聽緊佢講野。其二、就算我地真係聽唔真，對方都可以即刻糾正你所講既野。即係佢會同你講：「唔係..我既意思係....」。講到底，我地有負面情緒既時候，最想要的，不過是有個我地著緊既人，願意會聽我地講野，而又唔會JUDGE我地。「總結番你聽」就正正做到呢一點。 其實要做到呢一式，真係唔需要咩好特別既技巧，亦唔需要好有智慧或者把口浪過油。只要我地肯聽，做就冇難度。安撫你老婆又得、你娘親又得。你睇下黎諾懿個角色，就係唔駛加D咩意見，都可以安撫到身邊人。 如果你身邊人搵你訴苦，不仿用下呢2招，然後留言話我聽你覺得有冇D咩唔同啦~ #點解學校沒有情緒科 #安撫你愛人系列 #安撫人其實真係要學嫁 #咁易你唔係唔做啊#心理學家既秘技 #好多時唔開心都係想人關心下聆聽下姐
