講左咁多難聽過粗口既說話，你不免會問「大佬，呢句又唔得、果句又HURT到人，佢又好唔開心，講咩啊咁，無貨WOR!」。 總有好多時候，你見到身邊既人有負面既情緒，你都會唔知講咩好。更甚既係，有時你明明想安撫你女友，但有D野你講完，佢唔開心真係變左，不過係變嬲左。君不見一句激嬲女朋友系列係幾咁盪氣迥腸。你唔知你衰咩但係總之你就衰左。 「你唔明我啊!!!」係幾咁聲聲入耳，相信你總有俾人講過、聽過。然後你不禁會問，「你想我點姐!!!!點解細 個冇學過點安撫我阿媽同我女人! 點解!!!」。當然，唔單係女人，男人都係有情緒既需要又需要被安撫的，只係男人都大多傾向解決問題，而女性傾向情感需要大D姐，畢竟一個火星來；一個水星到。 OKAY。有心唔怕遲，正所謂「安撫你女人，四式唔頭痕」。 #第一式 專心俾反應，勿似懵盛盛 其實有負面情緒既時侯，好多時我地都想有人在旁關心自己。安撫第一式看似簡單，但其實要去到爐火純青既境界，係需要持久練習的。 頭半部分，係專心去聽對方講既野。知易行難，其實呢個MOMENT可能你睇緊波，番緊工，打緊機。又或者你放完工攰到娘親都唔認得既時候，你打開門見到你既伴侶一副烏雲密佈，玄壇咁既樣，你不禁倒抽一口涼氣，心入面外加兩，三句粗口。係呢個MOMENT 要你用心聽對方講野，其實一D 都唔容易。所以一係唔聽，一係就用心專心咁聽。你需知道，係一個你都唔READY既時候去聽人講野，講左難聽過粗口既說話係何其地高。更何況你好大可能令個情況更差，甚或將負面情緒遷怒於你。 所以你最好透順條氣，係你READY既時候，停低你手頭上既野，用心咁聽。將你既注意力放係對方既說話，只需要咁，就已經係成功左一半。不仿加埋殺手鐧，就係係適當既時候配合「唔唔」同埋「下下」，等對方知道你用心咁聽緊，自然地你就唔會變天然呆；等人覺得你發緊夢，唔知有冇聽。 再者，雖然我地都有一顆想成為SUPERHERO既心，但係唔係每一刻都需要幫人解決問題。所以第一步，只需用心聽，而減少建議，咁就會事半功倍啦~ FOLLOW ME ON FACEBOOK: https://www.facebook.com/WhyEmotionIsNotASubject/ #點解學校無教過情緒科 #安撫你愛人系列 #安撫人其實真係要學架 #唔係好易變粗口 #專心已經成功左一半 #未專心到就同人講遲少少先囉 #俾少少反應 #唔駛下下都即刻俾意見既 #好多時唔開心都係想人關心下聆聽下姐 See More
