香港呢個社會，由細到大都有一種氛圍要同人比。細個成績同人比，運動同人比，大個搵幾多住幾大都要同人比。就算你唔想比，你既三姑六婆拜年都依舊會把你來比。 之但係，情緒呢家野，真係冇得比。每個人既情緒都係自然而生，更何況有太多後面既因素影響，攞人地既負面情緒黎比，根本就係九唔搭八，係一種終極既否定。... 否定你既遭遇唔值得唔開心、唔值得嬲、唔值得緊張；就好似溫柔地對你講，你連唔開心既資格都沒有。真係難聽過粗口十倍。 你憑什麼覺得輸間廠，一定衰過輸粒糖？或者粒糖係好重要呢？又或者個唔見糖既人本身天生情緒起伏都係大既呢？ 通常聽得最多既就係攞D有殘障但活出光芒，又或者係悲慘人生但仍然自力更生黎同你比。係，當然，佢地係有佢地既堅忍、值得讚嘆、值得俾一百個LIKE佢既地方。但佢勁，唔等如我既唔開心係多餘。就算佢能克服佢既困難，過渡到佢既負面情緒；唔等如我既唔開心就一定程度比佢低，就一定我快過佢克服。要知道大家既好多條件背景都唔一樣，你得唔等如我都一定得。 其實我地每個人都有自己情緒既進程，因為情緒係我地同自己溝通既橋樑，根本就唔需要，亦無可能同其他人去比。順著自己既節奏去確立情緒，然後再慢慢調節，其實先係最有效。人比人，比死人啊~ TAG成日攞你來比果個，同佢講你拒絕再俾人比啦~ #點解學校無教過情緒科 #人比人比死人 #埃塞俄比亞小朋友想食都冇得食既邏輯 #其實埃塞無左大飢荒好耐 #拒絕俾人比 #膝頭對上先係脾 #最鍾意食滷水雞脾 See More
