一向介紹開韓國，點解冇啦啦會介紹澳洲呢 因為最近打算同韓國朋友去旅行，打算平平地買LCC(Low-cost Carrier)去玩 結果比我地發現左韓國好有名的 JIN AIR真航空 會開飛凱恩斯既航線！ 平時廉價航空公司一般吾會飛長途，但而家韓國廉航 JIN AIR真航空 突破先列 2017年12月22日起有得坐！一星期兩班，吾算太密但都起碼有多個選擇！ 吾洗次次都係去日本喇！ . 澳洲凱恩斯(Cairns) 相信香港人會比夠陌生，凱恩斯係昆士蘭州北部的濱海城市 睇相就知點解韓國人咁鐘意依個小城市 好多怕凍既韓國人冬天都會黎依度過冬？！ 而且又可以睇到最出名既大堡礁 陽光與海灘 一個字：正！ 鐘意潛水既朋友就更加要去！ 有韓國朋友去過話係天堂XD . 重點黎喇！ 廉航一般吾包飛機餐同行李 但JIN AIR包！所以JIN AIR係我高妹眼中既良心企業!!!!! 飛香港都有飛機餐架！飛澳洲就包兩餐！一個飯一個包 而且包一個23kg既行李！係23kg！！！！！ 廉航黎講算吾錯喇。 曾經坐過JIN AIR返香港，D位都幾闊，服務都好好！韓國空中服務員都好靚女靚女 如果想個位再闊D，行李優先處理 可加10萬韓元（約700HKD) 申請JINI PLUS SEAT ps:香港線JINI PLUS SEAT為3萬5韓元（約250HKD) 澳洲線只限到機場申請，香港線可以打客服申請，會平5000韓元
