市面上有咁多娠妊紋產品，究竟邊隻好？等我呢個新手媽媽交呢份試後報告比你啦！我試過市面上三款產品，分別係：【先利申！3隻都冇收過廣告費！全部都係真心話！】再再利申，先附上個人肚皮近照一張先～ （這是 28 wk 時)1️⃣ Clarins - Stretch Mark Control & Tonic Body Treatment Oil 最著名嘅皇牌產品，出名就出名左佢嘅價錢啦😆官方網站嘅價錢分別係 $270 同 $530呢個價，其實唧多少少都有少少唔捨得😅😅如果成個孕期要用，可能都要一set 半～根據Instruction, 白色果枝係 For 夜晚沖完涼用嘅，而枝油呢，就係早上用嘅，佢仲話早上搽完最好跟手沖返個涼水涼添～～不過叵羅媽我不嬲懶開，就冇啦😬😬其實白色果枝就冇咩味嘅，而個人其實就最鐘意枝油嘅味道，清清地，好似做 SPA 咁 Relax！咁到吸收方面，兩枝都吸到得快嘅，隻油感覺上會再快少少，搽完好快就乾！所以，整體分數：肚皮吸收: ★★★★★氣味: ★★★★★價錢: ☆☆☆☆☆性價比: ★☆☆☆☆2️⃣ Vitabiotics 這個其實是我機緣巧合下遇到的，事緣我姐姐推介我食呢個牌子嘅維他命，所以我去咗佢地個官網同埋啲代購到格價，睇睇下啲孕婦產品就見到呢枝Cream，£6.40，仲要佢成個網嘅產品都有買二送一！（我係9月買，到而家12月我剛上去望下，都仲有買二送一，所以我估，佢都係keep住有架啦～）£12.80有三枝 100mL 其實都夠晒個孕期用架啦，老虎蟹狂唧應該都OK，我用左三個月，都未用完一枝！佢個味道呢我都好鐘意！係有啲清新檸檬味咁～講到個吸收！呢個都好快！其實同CLARINS不相伯仲～啊，比埋個shipping cost 比大家take個 reference! 如果我當就算加晒成個連費，即係三枝 total 係 £(12.80+12)=£24.8£24.8 x 10.4 = ard. HKD$250除返三枝，都只係大概 HKD$80.我真係覺得抵到爛！！[ 如果有興趣睇埋我d 維他命，香港喺屈臣氏果啲閒閒地買一盒都要二、三百蚊！呢到都係$200有找！真係不得了！參考成份： ]所以，整體分數：肚皮吸收: ★★★★☆氣味: ★★★★☆價錢: ★★★★★性價比: ★★★★★3️⃣PALMER’s 呢隻呢其實就係個friend用淨比我嘅，佢又係一枝油同一枝 cream 嘅，我其實只係用過兩次，就用返我嘅2️⃣號 favourite 啦😅😅有兩個原因，一係我好麻麻佢隻味，佢陣椰除油味好似果隻彩針朱古力咁，又甜又有啲膩；另外搽左一段時間，都仲立立令😅😅所以，整體分數：肚皮吸收: ★☆☆☆☆氣味: ★☆☆☆☆價錢: ★★★★★性價比: ★★★☆☆
