餐廳雖然有限時60分鐘用餐時間,但職員上菜十分快,用餐時間一定夠。今次去天天海南雞飯,有叫海南雞,而入點了油飯同兩個餸,試下唔同既菜式。雞油飯石鍋木蓋,保存飯的温度。份量可以選細(1-2人)或大(2-3人)。 雞油飯感覺會好heavy,每粒飯都被油包圍著,油香味十足,但食落又唔會太油膩。 小炒之皇小炒皇本身唔難煮,但屋企煮始終煮唔到餐廳的鑊氣。蝦乾、魚乾、腰果、紅黃椒配埋韭菜花。 韭菜花炒得岩岩好,甜味都保留著,魚乾和蝦乾鹹香十足,還有脆脆的腰香增加口感,用黎送飯一流。 古法肉骨茶店員一放上枱,畫面好震撼,除了長長的肉骨🦴,面頭有豬肚、豆卜同枝竹,而湯入面仲有白蘿蔔。另外送上辣椒、酸菜同豉油,大家可以按個人喜好去加入湯入面。 味道方面:胡椒粉味勁濃,豆卜吸收哂湯的精華,咬既時候要小心爆汁。白蘿蔔非常之淋,而且沒有起渣,吸埋湯既味,好夠味。#Ublog飲食