最近去咗呢間好有質感嘅cafe, 裝潢用上我好鍾情嘅雲石, 仲有磚紅色圓拱門, 好岩打卡, 我咁岩著咗紅白色襯左佢個呢間店嘅色tune?! xd🤣🤣 📸成日好驚cafe賣點只剩下打卡, 而呢間野食都唔錯, 價錢又合理, 坐位都鬆動, 我揀咗坐window seat雲石長bar台, 岩晒2-3個人吹水食野!👍🏻 🔹 Carbonara厚切意大利煙肉配卡邦尼意粉 ($95)有別於普遍食開嘅Carbonara, 煙肉係厚切, 好香好有咬口, 意粉硬度岩岩好, 醬汁好creamy, 啖啖意粉都有濃郁嘅cream sauce, 不過最好盡快食, 食得耐但就會易結起一粒粒~ 🔸 青醬雞扒沙律 ($79)平時我比較少食salad, 見呢款多人推介就試下, 一上枱已經見到勁大碟, 份量巨多, 雞扒好嫰, 冇雪藏味, 同唔嚡口, 配上青醬酸酸地好夾好開胃, 性價比好高! 🔹 西多士伴鮮漿果雪糕配楓糖漿 ($69)同茶記西多爭好遠, 佢係中間夾咗士多啤梨醬, 西多士煎到好香又唔膩, 咬落好鬆軟, 配埋朱古力雪糕同楓糖漿食, 有唔同層次嘅味道! 🔸 𝐄𝐚𝐫𝐥 𝐆𝐫𝐞𝐲 𝐂𝐡𝐨𝐜𝐨𝐥𝐚𝐭𝐞 (Large $46)第一次飲朱古力加埋伯爵茶, 朱古力濃得黎又唔會死甜, 又唔會藍過伯爵茶香 🔹 Iced Latte ($45)對咖啡冇特別偏好, 正常發揮, 幾有咖啡香又唔會苦, 飲得耐咗就算溶咗冰都唔會淡味, 順帶一提, 其中一位店主係有專業認可資格的杯測師, 店內採用嘅咖啡豆都係佢親自選擇和炒製, 咖啡控值得一試! 💡P.S: 當日星期六1:30pm左右去到, 唔算太多人, 2點半後開始有7-8個人排隊。另外，cafe免加一服務費的～📍Espresso Alchemy - 地址：尖沙咀廣東道3-27號海港城港威商場地下G104號舖 @espressoalchemy#stepsdiary #stepsfooddiary——————————————————————————————Follow最新分享/旅遊及酒店情報/歡迎邀稿/合作試用:FB: stepstepsdiaryIG: steps.diaryEmail: steps.diaryhk@gmail.com——————————————————————————————
