今日專登早d黎排隊，終於食到成日門口都勁多人嘅sabusabu,呢期佢地有新湯底泰色冬陰功湯底，緊係要試吓啦。 首先選擇放題種類，有個餐叫做北海道夢之大地豚，我地被佢地個名吸引住，於是決定叫呢個餐。 冬陰功湯底一上枱d冬陰功味勁香，聞落已經覺得好正宗，跟住試吓飲個湯底，點知真係勁好飲，好似泰國飲果d風味，所以未打邊爐前已經飲咗一碗。最驚喜湯入面有隻勁大嘅蝦，而湯入面嘅配料都好多，好足料。呢個湯真係值得推介。 店員之後勁快已經上肉，期待嘅北海道夢之大地豚終於有得食，d肉脂肪分佈好均勻，食落完全都唔油，煮耐咗都唔會鞋唔會韌，好有肉嘅鮮味。 點擊圖片放大 美國牛同澳洲長期穀飼牛都好好食，d雪花紋都好均勻，食落唔會韌。 除咗可以任食牛肉同豚肉之外，出面仲有好多其他火鍋配料，有幾十款咁多，最驚喜係有d雪花牛肉粒，d牛肉粒食落好juice,真係幾好食。 Haagen-Dazs仲要有4隻味任食，真係回本之作。而且好多飲品選擇，仲有佢地自家製嘅香茅蜜糖茶，飲落唔太甜，好fresh,都幾好飲。 點擊圖片放大 +6
