休息了快兩個月,才扚起心肝搵工,沒想到首場面試,就遇到了有趣又殘忍的事,想說句:「腦細你駛唔駛咁mean呀?」這是我從與腦細的對話、該公司的見工指南及一名員工的真情告白而來的結論。 該公司是一間小型進出口貿易公司,我在網上看到他們的招聘廣告,從腦細口中,估計在報紙也有登廣告,招聘數個職位,包括行政文職,該職員薪酬寫得奇高,我不禁猜想,是不是數字調轉了,或是忘了要求資深經驗,但沒關係,反正cv多send一間也不過幾個掣,或許真是絕世好老闆,事實證明我還是個少年-太年輕了! 翌日我便接到女職員A的面試安排,第二天便到了該公司,女職員給了我兩份表格填寫,其中一份當然是職位申請表,除了一般個人資料,亦請你直言自己的弱項,改善方式,最特別的一項是關於正式薪酬待遇,指會在試用期後,再作確定,似乎...是可加可減機制喎,而且可能會低於廣告最低價!並要求申請人簽署接受。(不知道這算不算嚴重,但最少我之前見工未見過相關的條款)我自問條件一般,人工當然不會太高。 面試由大約60、70歲的腦細進行直接負責,一開頭便指,「你依家轉行,人哋話隔行就係隔咗個山頭,你學嘢都要7、8個月喎,大家都要負出。」「我對呢行真係冇經驗,我睇過你哋網頁,真係好多嘢要學,要好努力先得。」 「我哋呢度中英文係三七比,XX大學,都唔係老牌既台灣大學喎,應該都係10、20年既學校……」「其實我哋學校都近30年,雖然唔係台灣幾間一線,都係第二線……」「原來都咁耐,不過我意思係英文能力,我哋依家做個Test 默寫一封英文信,唔識既字就Repeat,我會串畀你,好多人喺度做,啲英文都會進步。」(對啊,我英文一般,但首先與母校無關,後後的說法亦很特別。) 腦細隨後就我的技能逐項確認實際的情況,有車牌係咪可以即時上路,考過LCCI是否做過數等等。對公司沒有作特別多的介紹,叫我問,我也直問了:「你哋廣告寫xxk,係咪有特別能力要求?」「都係吸引人見工啫,有咩要求都廣告都寫晒,因為落廣告限字數,所以都比較簡要,但都寫晒。」(網上的廣告沒限制吧,比起那offer,那廣告也太簡要了,最重要的是都係吸引人見工啫?雖然我也猜到不可能有那麼高,但擺明騙還說得理所當然!) 聊了一會,他請女職員A拿了一本見工指南給我,可以自行了解公司及員工待遇情況,「可能我見識少」,但這也說得上是mean界的曠世巨著了! 待續… http://greenstart27.blogspot.com/2017/05/meanoffer.html