大阪之旅是4月尾的事情，差不多半年後才完成最後一篇，好～滾～動～！ 沒期望好多人會睇或LIKE，因為這趟是個愉快旅程，好值得記錄一下。 Day 4 由京都酒店轉到好近道頓堀的難波花 Osaka Floral Inn Nambo，那時候酒店還進行局部裝修，所以我們入住的房門已是翻新好，都相當不錯，只是隔音稍為差一點，反正旅行都是要早起，沒關係吧！ 最後幾天有時間就會逛道頓堀，大部份店鋪大約晚上8/9時已關店，所以要買趁早！ 大阪王將餃子，看過旅遊書好似幾出名，tea time 岩晒! 不用排隊，等一陣就食得 煎得金黃色，賣相幾吸引，外皮夠薄，餡都算juicy~味道ok la~但不至於吸引下次再食。 在大阪一定要試燒八爪魚丸，心齋橋都有不少店，這間就是朋友試過不錯，所以帶我一試。 見店員即時烹調，真的別有一番風味，而丸子不是香港的圓碌碌挺身的那種，粉醬不會太多太實，有成粒八爪魚肉在裡面，再配合沙律醬、燒汁、紫菜粉、木魚等一齊品嚐，yummy~~ 早前熱捧的龍蝦包 ＬＵＫＥ＇ｓ ＬＯＢＳＴＥＲ，也要排隊趁熱鬧。 餡料有龍蝦肉蝦肉，我選了龍蝦細包980YEN，大約HKD7X。 麵包烤得微熱香脆，啖啖龍蝦肉，而醬汁就是牛油、檸檬、蛋黃醬都幾滋味，不過價錢就有少少貴，試一次唔錯既。 朋友推介這裡的芝士撻很美味，甜品怪的我出動了～ PABLO分為2層，樓上一層地方很寬敞，更遇到餐廳為其中一位客人慶生，一班店員播音樂跳舞，真係好有HEART~ 香港當然好少見到 點了士多啤梨奶昔，質感幻滑，味道甜甜的，即時補充力量！ 沒有點芝士撻，是朱古力香蕉撻，味道沒有驚喜，太甜，有少少失望。 朋友之前試過的大起水產，經濟抵食，我覺得就一般，香港元氣好食Ｄ，而朋友也說今次差了。 黑色的壽司，好得意～但忘記了是什麼。 因為搜集資料不足，食方面較少planning，本來沒有預期食拉麵，但最想不到食什麼，太肚餓就衝入四天王（在大阪好似幾出名）。 拉麵、餃子味道比想像中有驚喜！很快就清光光，幼拉麵容易將湯底一同吸吮，而且豬骨湯底幾濃郁，但份量好似少一點。 來到日本，當然不少得去便利店試試HAAGEN-DAZS 獨有口味，雜莓朱古力脆批、抹茶雪條，味道不過不失吧，不太吸引，哈哈。 本來想到GRAM食pancake，不過一早就關門，我們只好隨意走到CAFE - HONOLULU COFFEE。 也有pancake點，樣子看上幾吸引～～ 意想不到近窗的座位可以飽覽道頓堀夜景，跟朋友輕鬆夜談一流，好好mood~~ 點了生果pancake，質感幾鬆軟，忌廉不算太甜，生果都多款式，不錯！ 誤打誤撞有時都有驚喜～ 士多啤梨今次只買一次食，這包拿上手聞到陣陣果香味，價錢經濟，甜度算中間。 今次在便利店買到最正的是Lipton梨茶，味道不作假，好清新，還打包了回香港 ^^ ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 最後一天DAY 6 大阪當然不少得去黑門市場食海鮮~gogogo 在酒店行5分鐘就到，超方便～ 朋友帶我黑門三平，超多人，要自己找座位再買食物。 有刺身、蟹腳、燒虎蝦、海膽等等，好多選擇～～ 又係便利店買果汁試試，不過一般呢～ 點了刺身、燒虎蝦、蟹腳、海膽，這個當作lunch真係好豐富~~ 海膽隨意挑一個，不新鮮＞＜ 帶子刺身幾肥美，蝦、蟹腳算是鮮甜，不過2人分享份量有點多，最後鹽燒虎蝦蝦肉幾彈牙，啖啖肉。 之後又看到一大埋新鮮水果，想試多幾款就買了這個，不過用鹽水浸過好鹹＞＜ 加上又勁飽，生果有點貴，最後買食過蘋果。 黑門市場也有超市逛逛，有好多色彩的啫喱，還有橙味可樂！ 最後到南海難波乘空港急行 > 関西国際空港，番香港喇～～ 在車站見到間以貓貓作主題的甜品店 蛋糕又真係幾吸引 所以買了一件士多啤梨食，超好食～好鬆軟～日本既蛋糕真係好好味：） 前往關西機場有不同的火車，我乘搭的是機場急行車，每人920YEN，另外也有特急Rapi:t。 奶油獅伴我同行，其實是我一個相機袋～～哈哈 其實相機袋在台灣買mister donuts換購的，今次在日本也買了mister donuts回味一下~~ 在大阪當然不少得抹茶零食吧，辻利的抹茶多士 540YEN、kobe fugetsudo 神戶風月堂的抹茶威化餅 1,100YEN、香蕉蛋糕 1000 YEN。 在飛機已偷食了不少XD 除了食外，今次戰利品不算太多吧，最開心係GU買了不少好衣服，我覺得GU比UNIQLO款式更適合我。 還有 精品 -> 100 YEN 店Daiso 潤唇膏及成藥 -> 藥妝店 飾物 -> 300 yen店 (3 COINS) 睫毛捲曲器 -> 百貨公司 這些是我試過及值得推介 日本感冒藥 大正製藥 沖劑 1280YEN ROHTO 眼藥水 (for 隱形眼鏡) 475YEN 桃味龍角散~~598YEN 今次的大阪之旅終於寫好了~~~好期待我下次既旅行!! ❥❥❥ 如有任何查詢，歡迎電郵聯繫。 email: lwyki@yahoo.com.hk Starki.ki fanpage: https://www.facebook.com/starki.ki.lau/ IG: kiki_lwy https://www.instagram.com/kiki_lwy/
