是咁的, 某天係KP fb fanpage https://www.facebook.com/KesalanPatharanHK 見到徵募日式接植睫毛model, 被揀中可以用$100優惠價享用服務一次~ 我一次都未試過, 但沒優惠都要6百幾7百蚊最少, 而且KP植睫毛都算幾出名, 絕對可以一試!! 上fanpage留左電郵地址, 幾小時已經有回覆留我電話號碼, 大約第2天晚上收到KP電話預約時間 (講明係內部training用, 所以睫毛不會太濃密), 約左係星期天1/6 係CWB黃金商場內的SASA分店做 雖說$100咁平, 但一點都不馬虎, 要填個人資料, (如有面部有沒有敏感, 有否對酒精、膠水敏感等等) 填完就開始揀睫毛款式 (自然、娃娃、眼尾拉長) BA 建議我做 娃娃, 長度 (#10就是中間, 但做既時候說我睫毛同#10差不多, 所以選#11 會好點), 捲度 (強度) 因為我睫毛好直, 同睫毛質地揀較硬~ 這樣一開始便2小時, 因為要平訓在床上, 個身都幾酸軟架 (愛靚就係咁!) 要貼膠紙在眼肚定位, 一條真睫毛駁一條假睫毛, 大部份時間眼睛都沒什麼感覺, 只有幾下覺得覺得好似扯一扯的感覺 (其實個心都驚驚地, 會唔會扯埋我本有既眼睫先...) 最後再用風筒吹乾膠水。 做完既效果比痴假睫毛自然好多, 好翹好靚呀!! 打側看都好靚~~ 植睫毛前: 不能塗mascara, 不能夾睫毛 植睫毛後: 做完4小時後不能沾水, 大約keep 3-4星期, 而且要好溫柔對眼睫毛, 落妝不可以用化妝棉, 最好用手。 可惜晚我唔小心已經整甩2條....而且訓醒我習慣捽眼, 依家又唔可以做..... :( 不過整完個人望落精神點, 完全沒有化眼妝 ^^