同事介紹必食這間法國餐廳 - L'enfant Qui Reve 餐廳位於公園內，係~係公園，唔係樂園。 網頁有晒餐牌、交通方法供參考，唔難去，但時間有番咁上下，所以最後一行4人都係決定打的。由二條市場過去約30-35分鐘，3500 yen~ 菜式經常轉變，加上屋企人有食物敏感，強烈建議大家先行到網上看看餐牌，但只有法文及日文的，對Google translate完的結果不太滿意，所以還請教了身邊會法文的朋友。由於不清楚餐廳的人流，加上是假日，所以預先打了電話book位。午餐時間由11:30開始，直至14:30，我們訂了12:30。 [人流不多，但座位同樣不多，可以的話，建議大家book咗位先，要知道嗰度基本上係獨市。] 到達公園後，看到好似羅浮宮般的玻璃建築物，直覺認為應該是我們要去的地方。地方係啱，但兜咗一個圈先搵到個入口，錯有錯著，可以走上個小山坡，感覺幾得意。 點擊圖片放大 入到去，接待員的英文普通但溝通able，先招待我們坐到火爐旁取暖，是真正燒柴的~還有一杯薄荷水(甜甜的)。附上餐牌讓係選擇。有見我們不會日文，他們特別安排了一個能說流行英文的來負責我們。共有3個款餐，主要係course的數目不同，4個人，2-1-1形式，2個最多course的，可以試晒大部分嘵嘅嘢(其實只係試唔到個雞main course)。 一唻就俾呢個K.O.咗，IMPRESSIVE!!!! 洋蔥薄脆夾住cream-cheese，又靚又好味，對跟住啲食物都滿懷期待 第二道係一個湯~ 這個包好。好。食!! 對一個經常及愛吃法包的人來說，實在大滿足! 煎帶子及炸蠔後，就來一個雪芭清清味道及refresh一下，準備迎接主菜。 特別介紹一下這個，餐牌上係就咁寫CARROT，唻到大家係仍然好疑惑，食落就「嘩~原來係咁~」，係咁點住頭咁食。我係完全無諗過可以咁好食，個質感好似薯仔，但好香甜，加埋有燒過，好似肉類咁惹味，另外其他妯塊啲嘅，有甘荀同埋應該係蕃薯。至於一粒粒嘅，都係蘿蔔唻!! 白蘿蔔同埋壽司卷常見的醃蘿蔔。 魚 豬 魚 牛 (味道好特別，又燘燉到好軟) 這個叫Herb Garden，底部有熱石，燒的青椒、薯仔，還有烚的。 這是Pre-Dessert，白酒(sparkling)加啫喱加紅、青提子，簡直想直接encore多幾個~~ 拿破崙feel的酥皮杏仁卷，yummy~~~ 每一樣嘢都好好食，唯一一樣我覺得唔多得嘅就係呢個scone-類甜品，macarron亦麻麻。 一路食，一路望住大廚煮，真係感受到佢嘅專注同專業。 餐廳外的環境~ 真係好舒服~~~
