剛於5月終於踏足英國!!! 殖民地的情意結是有的，加上電影的影響，英國一直以來都是在 T0-GO List的榜首。 這次介紹的「城堡」，並非迪士尼式的那種堡壘，她是一座帶有歷史但很貼地的一幢城堡—Hever Castle & Gardens。Hever Castle是Anne Boleyn的故居，她是Henry VIII的第二任皇后，更是伊莉莎白女皇一世的母親。一直有不少電影、電視劇把這段關係重新呈現，包括: The Other Boleyn Girl (美人心機)、The Tudors (都鐸皇朝)等，在此不著墨太多。 是次旅程，由Manchester出發，乘Virgin Trains 到London Euston Station (~2.15 hours)後再租車自駕遊前往(~1.5 hours)。 (大家應該都知道，英國的火車飛都係早買早正常價，遲買就天價，所以建議大家預鬆時間買定飛先，要改的話又係一頸血。) 如果唔係自駕遊，可搭火車到Edenbridge Station (由London Victoria/ London Bridge)，跟住搭的士，根據官網話，最好book定車，因為個站都幾偏僻下，人影都唔多隻。再唔係有見過人喺Hever Station落，行1 mile。如果你唔係拎住行李，都可以考慮下，不過全程係行馬路，同埋我哋沿路經過時，係無。人。行! Hever Castle分2部份，一係住宿嘅地方(The Astor Wing)，另外係Gardens，我哋miss咗個入口，去咗Garden嗰便泊車，問完個職員去埋個廁所就番轉頭。閘外有個對講機，職員核對完登記名稱就放行。Check-in的職員好有耐性同埋好靚女，佢哋會安排人幫你拎行李，因為係要行樓梯的。 如果你要豪華感覺，Hever Castle唔適合你，佢帶俾你係一種優雅、古典感受。 用一條好古典的鎖匙開門 有壁爐(裝飾)喔~ 很英式的配備 內裡佈置很舒服，下幾級便是浴室，很大及乾淨，企缸位置的花灑很現代型格、浴缸則優雅，強烈建議帶埋浴鹽去浸下~ Shampoo等均為Molton Brown，值得加分。 接著就去逛Gardens及博物館了，住宿費已包含了入場門票。博物館主要講述Anne Boleyn和Henry VIII的種種，以及後來如何轉讓並發展成為景點及旅館。 至於這個「後園」大得有點兒離譜。。 點擊圖片放大 點擊圖片放大 +4 簡單的走走，確實讓人感到很舒服~ 餓了，打算去食個早晚餐，往外走幾約5分鐘有一間酒吧 (也叫Henry VIII)。 可能太早了，職員接示只有飲品供應，6點半後才有「食物」。 (附近沒其他餐廳，要是對餐點有特別要求，要事先準備或向城堡要求，不過很貴就是) 第二天的早餐，當然是英式早餐，食物水準不錯，是「半自助餐形式」︰叫一個set，其餘水果、飲品及穀物自己去拎。 食飽飽離開前，到其他公共空間走走，別有一番風味。 是晚住宿約GBP 200，包早餐及泊車，見網頁及其他blog有較小的房間提供。唯房間數量不多，有計劃到訪的人，盡早book吧~ 值。得。一。去!!
