每每去到茶餐廳,為咗滷脾同炸脾都可以煩惱好耐。但而家,炸理滷味可以一次過食晒!嗱~ 唔係講粗口,餐廳名係咁架~ 呢間係小食店,自助型式,外賣為主。要堂食,其實都只不過係企係度食咋。 炸理滷味,顧名思意係食炸嘢同滷嘢。當然,滷嘢會快啲食得,炸嘢呢,就要等耐少少,因為即叫即炸! 叫咗杯柚子蜜梳打飲先~~ 炸理雞脾 HK$25 大過我隻手掌!金黃色,熱辣辣上黎,而且唔無油淋淋,炸得好靚! 因為啱啱炸起,聽得到炸完後的咋咋聲,食個時小心辣親個嘴仔啊。 切開後仲有雞油,可見仲係Juicy,唔會炸到干爭爭! 其實,仲有個套餐,係炸脾或滷脾揀一款,就可以配「青檸話梅梳打」、「青檸柚子梳打」或「青檸荔枝梳打」。都只係HK$38,好抵食! 滷味滷水雞脾 HK$25 同樣係大過我手掌的大大大滷脾。好鬼香,可見滷水汁都落咗工夫!而且雞脾唔會好多肥膏,啱晒我口味! 雞肉嫩滑,滷水汁入晒味。我都係愛滷脾多啲~~ 滷味大全 HK$25 大全入面,包括了三款滷味:「滷大腸、滷鴨舌、滷雞腎」! 我平時不食大腸,老公試咗,大讚勁入味!而且大腸唔會老,好食。鴨舌係必食之選,鴨舌入晒味之餘,仲要好滑溜,一串唔會夠喉。而雞腎,同樣入味,最正係唔會過老,依然爽口。全部單串都係HK$9咋! 滷味雞翼尖 HK$18/份 雞翼尖係一份份咁賣。目測一份都有廿幾隻,好抵食。而且勁淋勁入味!買黎睇波送酒一流! 滷味滷肉撈丁 HK$28/份 除咗小食,仲有滷味類的飯面。呢個係有溫泉玉子加滷味肉的撈丁,玉子係加HK$8另外加的。要趁熱食,如果唔係會淋啲面架~ 仲有溫泉玉子滷肉飯(HK$35)同滷味東坡肉飯(HK$28)添~~ 炸理十串 HK$68 人多多,又想一次過試晒咁多款?可以試這個炸理十串!有齊十款炸物,當中包括:炸串和牛粒、炸串黑豚五花腩、炸串櫻花芥末腸、炸串午餐肉、炸串多春魚、炸串玉子、炸串翠玉瓜、炸串蓮藕、炸串粟米仔、炸串鮮冬菇。 本人最愛係炸串和牛粒、炸串黑豚五花腩。和牛粒仲係肉質嫩滑,而且喜歡其炸粉勁薄! 炸串紐西蘭特大咖啡菇 HK$22/隻 又係我至愛,大大隻的大啡菇,炸粉勁薄,加埋調味,十分惹味。而且十分JUICY~ 炸一口三角芝士 HK$15/份 一份有五定六粒 (唔記得啦) 但呢個係必食之選。配返個醬,真係極品! 食的時候小心辣口,入面有芝士會流出黎架~~ 成間店,最貴個十串都係HK$68,最平係HK$5有交易,都堅係好抵食!行過口痕,叫返幾串行住食又唔過份啊~~ 請Like 我的Fans Page,可以有更多互動有趣的分享哦~~ http://www.facebook.com/StaiceLiu Staice Liu / Paradise Garden Promote your Page too Staice Blog 頻道: Blogspot 。. ゚★ WeShare.hk 。. ゚★ Beauty Life 。. ゚★ The Ztyle 。. ゚★ Wretch 。. ゚★ Beauty Exchange 。. ゚★ She Blog。. ゚★ Lady Qooza 。. ゚★ Fashion and Beauty 。. ゚★ Elle Blog 。. ゚★ U Beauty。. ゚★ StyleUp 。. ゚★ SheWin 。. ゚★ Glamabog 。. ゚★ Qooza Beauty 。. ゚★ 88DB 。. ゚★ How to Find Staice: Email: staice_liu@yahoo.com.hk Weibo: http://weibo.com/staice Find Staice at Instagram: http://instagram.com/staiceliu