返工之後最期待嘅就係星期六日啦，以前返學唔明點解係 #tgif #happyfriday ,依家終於明白啦~ 嗚嗚~ 因為星期一至五已經好攰，所以依家嘅星期六日都唔想去太遠又或者太早起身，不過有時都想chill下同見下朋友，同埋就係影相, update下 Instagram,話曬一個星期有五日都係消失嘅！ 啱啱個星期六就同朋友出咗街，食嘢+影相+購物，一條龍過！但係一啲都唔chur!! 我哋約咗12點喺香港大學到等，跟住就去咗一間叫做 “no milkshake no life” 嘅café ，店面真係好細，全店應該坐到12個人左右，不過裝修係幾的色！ 我哋點咗一個”Avocado & Crab Meat Croissant”, 一個 “Crazy! Cheers! Cheese” 再加兩杯嘢飲！ 呢個Taro Milkshake好好飲~ “Avocado & Crab Meat Croissant” 嘅牛角包係幾脆幾好味，不過個人覺得個蟹肉太腥，好大陣味！ “Crazy! Cheers! Cheese” 賣相一流，呢個一定要相機食先啦！而個味道都唔錯，個人鍾意呢個多啲！ 食飽之後，可以行過去西環碼頭果到影相打卡，仲有一堆鴿仔等住你，不過記得保持距離，唔好嚇親佢哋啦！ 出返碼頭，向返地鐵站方向行，途中會見到往北角方向嘅「 叮叮」，我哋就坐「 叮叮」到銅鑼灣shopping啦！趁未有咁多人上車，仲可以喺「 叮叮」到影返兩張tim! 咁樣嘅星期六都唔錯~ 餐廳資料： No Milkshake No Life 西 環 山道 31-37 道 兆 禧 閣 地下 A 鋪 (香港大學站B2出口對面就係) 請訂閲 我的 Instagram: Yss_Kami 我的 Youtube: Ssin's Diary
