台北就去得多，台中你又知唔知有咩玩？台中就最啱中意影相既你，處處皆是美翻的 café。想完美征服台中，就要看以下五間又食得又影得的 café。 1. 「艸水木堂」 地點：台中市西區民生路 364 號 呢間 café 最吸引人既地方就係店內設計是以旋轉木馬為主題，還有用乾花來裝飾，相信係打中唔少少女既心，絕對值得大家用盡張 SD 卡既容量。食物方面，café 主打係飲品及一些小食，因他本身係主要係做外賣生意，所以店內座位不多，不過只要有消費，都可在店內影相，店內仲有動物頭套提供比大家作影相道具。 2.「波莉牛牛」 地點：台中市西區中興街 2 號 第二間要推介比大家既呢就係離「艸水木堂」只有一兩分鐘路程既「波莉牛牛」。其實佢係一間飲品店，不過店內設有座位，佢地既木瓜牛奶同芒果牛奶都係小編認為不能錯過的，因為水果同牛奶既比例分配得好好，而且店主仲刻意減少攪時間，保留部分果肉，令口感更加豐富。 影相方面呢，就係由呢一道「雲牆」作為主要背景，唔好睇小佢，佢係唔少台灣人既打卡熱點黎加。店主仲特登揀左有小小渲染效果既色彩做背景，有點似雲霞既感覺。 3.「好好小館」 地點：台中市沙鹿區鎮南路永福巷 7 號 另外一間要推介比大家既呢就係「好好小館」啦。呢間與其話係 café，不如話佢更似一個小規模既主題樂園。而佢既主題就係彩色貨櫃啦。café 係由一組鐵皮屋改造而成的，分兩個區域，一邊係比客人用餐既「好好小館」，另一邊就係比人影相既「好好聚落」。只要喺餐廳每人消費滿台幣 100 蚊就可以免費入園區影相，如果無喺餐廳消費的話，進入「好好聚落」會收每人台幣 50 蚊既清潔費。餐廳主打西式食物，味道就不過不失，但價錢只係香港茶餐廳既水平。 而「好好聚落」呢到真係少女們既天堂，每個角落都好好影，加埋貨櫃係唔同顏色,襯埋個藍天白雲，有 D 身處異國既感覺。食野加影相，呢到絕對可以比大家 hea 足一個下午。 4.「I'm Talato 我是塔拉朵」 地點:台中市西區英才路 451 號 如果去完「好好聚落」都唔夠喉既話，小編會推介埋你去「I'm Talato 我是塔拉朵」。呢間 café 係以雪糕為主題，食物都係主打不同口味既雪糕，飲品既選擇就唔多。小編就覺得雪糕既口感一般，食落有 D 似鬆散既冰粒。但唔緊要，呢到既佈置係可以彌補食物果方面既不足。 Café 分兩邊，一邊係比人享用食物，另一邊係比人盡情影相既雪糕池。除左個巨型雪糕池，牆身用馬賽克砌成，加埋 D 霓虹燈管，好有韓系既感覺。大家記得留低你地既足跡啦！ 點擊圖片放大 5.「Buka 這一隻熊」 地點:台中市北屯區山西路三段 161 號 少女風唔啱你？咁呢間「Buka 這一隻熊」就實啱文青風加森系既你啦。呢間 Café 位於台中既北屯區，Café 老闆用左兩年既時間去打造出呢片綠色既庭園，可以話係北屯區一道吸睛既風景線,亦係 Instagram 上既其中一個打卡熱點。 Café 主要售賣日式及台式既食物，而甜品選擇就比較少。呢度既面積相當大，部份建築以英式宮廷風為主，而 Café 既用餐區就擺滿啤啤熊既裝飾品。Café結合左庭園同雜貨舖，大家除左食野同影相之外，仲可以買下野，真係一舉三得！
