朋友們告訴我，來到嵐山一定不可不試渡月橋旁邊那間的天婦羅蕎麥麵店又或者係近天龍寺入口處主街道兩旁的豆腐餐館，但訂了溫泉旅館一泊二食，而係旅館會嘗到豆腐呀，天婦羅類似的食物，於是決定唔去就去天婦羅蕎麥麵店同豆腐餐館，而係去會一會附近既和牛定食。 這間叫「Otsuka」的牛排店，開店時間只有3個半小時，位置一定要開住Google map 而行（我地係小路痴XD）。不過行到附近就會見到餐廳名牌指示方向，因為佢係一處民居道路嘅盡頭，餐廳隔離就係JR嘅路軌 ，之前上網搜尋過這間餐廳資料是需要預約，可惜我們網上預訂唔成功，那就只好早早去排隊等位。 早上11點15分左右已經來到門口，只看到平平無奇的民居，門口停車場的位置放置了一排又一排的坐椅，並已坐着十多人，前方處還有一個等位表要自己寫上姓名及人數，店員就跟著表上次序安排入坐。可以坐着等候是店舖窩心的安排，後來越來越多人前來候位，無聊時最好就是觀察一下其他食客打發時間。見到他們急不及待要看餐牌，期待的眼神，就知道今次「冇黎錯」！到我們進去用餐時間已經是12點多，大約等了一小時左右。其實與至愛有傾有講，時間都過得特別快。 （官方網站圖片） 入到店內只有30個坐位，係和式餐枱，雖然很多人等候入座，但店員沒有安排食客擠迫地坐在一起，這一點在香港的餐廳不太可能做到（又是租金昂貴，地少人多的問題）。其實，對食客來說好的東西是要需要時間、空間和感恩的心慢慢品嘗。 我們點了上等flap steak 100g 與 A4 sirloin steak, 可以比較吓兩款不同等級的牛排，當然A4就「冇得輸」啦，值得欣賞用鐵板上的牛排拿捏個熟透度非常準，這就是廚師的老練啊！每份牛排除鐵板上，跟餐仲跟沙律同白飯。餐牌仲有牛肉刺身揀如果不介意或喜歡食生牛肉就不妨試試。環境真像在家用餐一樣，每位食客都舒服地享受這頓午餐。 官方網站：http://www.steak-otsuka.com/ 影片推介： 【深圳海底撈．免排隊秘訣】https://youtu.be/ddVuvNcMqQs 【懶人酸辣粉試食】https://youtu.be/nFVbjUcSsZA 【12蚊食蟹膏河】https://youtu.be/tG5bpQB76VM
