今日係你Baba第一次同你過既情人節,所以我將會share 呢個孕記 blog 比你Baba,當係Baba同佢前世情人既禮物~~嘩哈哈。。。 自你出世之後呢,真係好攰,你喊又唔知你想點,又唔肯訓,有時真係好忟⋯⋯ 不過每一次體力透支嘅時候,都會提醒自己,「勿忘初衷」當初知道有左你之後每一日都係諗緊,點樣令你健康,安全出世,就已經心滿意足。 孕期間,Baba 同Mama 都面對不同既壓力。知道有左你當日亦都知道左你公公患上癌症,心情非常矛盾。之後你小小表姐亦確診白血病,細細個就要承受化療。一家人心情好沉重,而你爺爺嘅鏢靶藥亦都失效,需要接受化療。一連串嘅事情令到我哋更加明白健康非必然,所以只希望你健康快樂。Mama 好努力希望自己唔好受呢啲事情影響心情,因為我嘅心情亦會影響你嘅身心成長。 所以而家每日都要感恩你健康快樂!身邊亦都有好多人錫你。你長大後亦要繼續感恩喔⋯⋯ We love you! 魷魚女~ (你兩日後會有名架啦⋯⋯出世紙最後期限。。。嘩哈哈) P.S. 呢個月我地冇用過「麥芽糖」呀!即係我地冇乜鬧過大交。Yeah!!!