Mama 又失眠啦，零晨3:30醒左，可能太緊張啦。轉到5點起身沖涼洗頭（之後都唔知幾時先可以洗頭囉⋯⋯） 產前後都要禁食，入院前梗係食個豐富早餐先！7:30去到醫院登記入院，settle down 晒所有野，開始好緊張.... 1點未夠姑娘就入黎接我地去手術室，去到仲緊張。 Mama 要入手術室麻醉先，麻醉師要係我條脊椎到打針都真係驚。一切準備好就叫你Baba入黎喇，Baba 捉住我隻手，大家都好緊張。。。當一聽到你既喊聲，都未見到你，我地已經互相對望流淚。原來那一下喊聲係咁震撼同感動。。。 之後姑娘叫Baba 剪臍帶，幫你擦乾淨好後就抱你過嚟俾我哋睇同影相。個刻都係未真實感受到你係由我個肚出黎，有點陌生既感覺。哈哈。。。 影完相姑娘即刻抱走你lu....醫生繼續幫Mama縫針，之後返番樓上病房過咗一陣，姑娘再抱你比我同你有初次嘅身體接觸、第一次抱你、第一次餵哺既感覺好難以筆墨形容，但係是好感動既moment....Baba 亦比你融化了。。。哈哈。。你Baba 既剋星終於出現喇！佢話你好似mini既我，所以好有親切感。哇哈哈… 不過唔夠10分鐘姑娘又抱走你啦，之後陸陸續續公公婆婆爺爺嫲嫲仲有好多其他人嚟探你。因為媽媽唔落得床，所以個晚之後都冇見過你，成晚好掛住你。到第二朝先可以去BB房睇你，但第二朝個傷口仲好痛，條短短既走廊Baba扶住Mama行左20分鐘先可以行去睇你餵你。 望住你同其他BB相比，係比較「的色」既。你出世2.55kg, 屬於細B size, 不過你好硬淨又大力，至緊要你健康已經好感恩！ Mama 好攰喇。。。你要比心機增磅！
