前日先見完你，估唔到咁快尋日又見到你，不過今次並唔係好野 事緣Mama前晚個肚開始痛,之後尋日朝越嚟越痛，初頭我分唔到係搞肚痛定子宮痛，所以我冇理佢住。咁又冇見到見紅情況，而且BabaMama買咗一點鐘飛要睇”與神同行最終審判”Mama好想睇埋套戲同埋都觀察下個情況 (Baba之後鬧鬼我好任性，不分輕重） 點知睇嘅途中，越嚟越痛，仲摸到下腹個位好硬，攪到我好驚。睇完戲即刻同你爸爸講：「我哋而家去浸會醫院囉」嚇鬼死佢，佢即刻二話不說，同我飛去的士站去浸會醫院。去到登記嘅時候，姑娘話如果我懷孕，唔好意思今日星期日當值嘅醫生冇婦科，要搵其他醫院，即刻個人灰晒。之後爸爸打去其他醫院check下有冇婦科醫生當值。打電話途中，頭先個姑娘姐姐好好，走黎問我我主診醫生有冇喺浸會度掛牌。好彩我哋本身都係諗住浸會生你，所以個姑娘就打俾我主診劉醫生，亦都好好彩劉醫生住係浸會醫院附近，佢話可以大概半個鐘到，所以即刻個人又放心返啲。 終於等到劉醫生，佢第一時間我照超聲波睇，我第一下淨係問BB有冇事，醫生話你冇事，心跳正常，我個刻感動到喊。因為一路就係諗住只要你冇事就得啦，之後醫生話Mama個子宮收縮得好緊,所以點解咁痛,之後再幫我度宮頸,佢話長度正常，所以冇乜危險。佢開咗啲安胎藥同埋降血壓藥俾我，叫我返屋企食睇下點先。如果情況冇好轉，咁第二日就要入院留醫觀察，所以都仲好擔心你既生命受威脅。 Baba都好擔心,鬧鬼我成日有咩唔舒服又唔出聲，死忍難忍。之後返咗屋企，食咗藥到半夜又痛醒，Mama發左兩個夢，一個夢系我第日搵唔到劉醫生好驚，第二個係劉醫生同我拎份驗血報告好凝重咁同我講，叫我有心理準備！不過我無聽到報告，已經喊醒咗。 朝早八點鐘起身，再食多次药，我再打俾醫生報告情況，醫生話可係屋企觀察下。Mama又唔想入醫院，因為其實今日係爸爸媽媽嘅結婚周年一年紀念，我都想開開心心同你同埋Baba慶祝. Baba好擔心, 今日攞咗假陪我。 諗諗下，係咪你喺度整蠱作怪？想Baba今日全日都可以陪住Mama同埋唔想媽媽返工,聞啲裝修味。。。你係咪都覺得好臭呀？所以你都唔想返工呢⋯⋯ 你唔好再嚇我地啦，魷魚女，身體健康我地就心滿意足。 To your Baba: Happy 1st Anniversary!!! Love you and thanks for stand by me KISS。。。
