2018.06.15 Hello 魷魚女, 這是Mama第一封寫給你的信, 我從來都冇寫過BLOG,但我希望由你係我體內孕育到出生既經歷記錄低,等你第時大個有機會睇番Mama Baba由你出現開始既心路歷程. Mama真係好低B,到你8週大先發現你既出現. 事緣我同你baba係5月補番我地既HONEYMOON去左GREECE同ITALY, 咁我地更係玩到忘形啦. 又行山又爬山又飲酒又食SALAD⋯⋯比D相你睇睇先... 梗要CHEERS 啦~~ 游住水又要飲杯~ 你Baba就係帶我徙手攀呢座山崖啦~~~ 汗顏....=.=.... 同你行萬里路...... 日日一杯Gelato....好彩你頑強.... 番到香港Mama成日作嘔作悶,食唔到野. 仲以為自己仲暈緊船浪車浪, 又飲牛篣茶, 洛神花茶, 山楂水⋯⋯好彩你勁, 夠硬淨! （呢的全部係滑胎架,諗起都心驚） 係6月15日起身個刻心血來潮,試下驗孕先.⋯⋯點知係POSITIVE,個一刻Mama都唔係好相信. 一切都係整定既, 咁啱個日BOOK左婦科醫生, 診住LUNCH TIME 去, 醫生用超聲波一照就係我第一次同你見面啦, 一照嚇一嚇我,因為你已經成左人仔形啦而且已經8週大. 不過個一刻Mama真係好感動,而且感覺真實好多. 好想即刻話比Baba知但又想當面講喎. 所以我叫你Baba個日黎接我放工, 話佢知有個 BIG REWARD 比佢. 哈哈⋯⋯個日番到公司全日都FOCUS唔到,淨係諗住你⋯⋯終於等到放工啦, 係銅鑼灣地鐵站既月台見到Baba,我捉住佢隻手摸住我個肚, 同佢講 "你做爸爸啦!" 佢有D難以置信,話"真係架?!"之後我見佢眼泛淚光好滾動.... 就係咁....我地知道左你既存在啦....... 不過, 同日得知你公公有Cancer...所以Mama 百感交集...心情矛盾...但好在情況不是太壞....而且Mama要給你正能量, 所以我同你一齊支持公公!!!你都要加油, 健健康康出黎親吻你公公!
