有好多朋友（尤其是係女性朋友們）都同귀요미講:「韓國人真係好奇怪，一見面就問人幾多年出生……」 可能對於香港人黎講，唔熟悉嘅人一見面就問年齡係一件好奇怪又冇禮貌嘅事，但係對於韓國人黎講，年齡就決定左一切，就算只係差一年長幼輩份已經要分得好清楚，韓國人會稱問年齡呢種行為做「年齡整理」。 「年齡整理」做好左之後當然唔係只係稱呼上有唔同啦，就連對話用詞/文法上都會有所唔同。係韓國文法中有分半語，敬語。對於年紀細過自己/同自己一樣大/或者非常非常非常親嘅朋友先可以用半語。對於年紀大過自己/陌生人/外人，對話基本上都要用敬語，除非長輩們自己同你講可以用半語對話，如果唔係，隨便對長輩/外人用平語對話，長輩們隨時會生氣的。 귀요미有認識一個極度冇禮貌99年生嘅弟弟，佢對所有姐姐都係用半語，結果有一個姐姐頂佢唔順，直接小左個弟弟一獲金嘅，內容大概係「喂，你有冇冇禮貌架？！點可以對姐姐咁冇禮貌，姐姐們有冇講你可以講半語？！快啲同姐姐們講對唔住！@#!#$#$%」 另外，對住長輩嘅時候唔單止要敬語，就連行為舉止都要諗清楚先好做。귀요미有認識一個比귀요미大７年嘅韓國哥哥，귀요미一直都對呢個韓國哥哥用敬語，但係一次同佢打打鬧鬧嘅候唔覺意對佢做個鬼臉，當時個哥哥立即正色同귀요미講：「喂，你點可以對哥哥咁冇禮貌架？！點可以對住哥哥做鬼臉？！係咪最近哥哥對你太善良所以你唔記得我係你哥哥？！」，귀요미聽到之後就立即道歉話下次唔會再做，個韓國哥哥先冇再嬲。 最後除左稱呼同行為舉止之外，基本上好多事都係要細嘅人去做。例如一大群人去食飯嘅時候，一群人入面最細嘅果兩三個就會負責做野，例如分筷子，分水，點餐，分食物，烤肉等等。唔好可諗住可以惻側膊唔多覺，你作為最細嘅但係又唔肯做野嘅話，韓國人係會直接做野定老母的。 귀요미上 Facebook: www.facebook.com/specialkoreadaily IG: specialkoreadaily 另外如果大家有啲害羞,,唔想開名,, 但又想知一啲"特別"嘅韓國資訊 或者有任何其他問題 就可以通過下面嘅link隨時問我哋啦~~ ask.fm/specialkoreadaily
