우리문화 우리文化 有好多朋友都同我講: 其實你覺唔覺韓國人好似都幾排外咁?? 我多數都答: 哈哈, 都係架....佢地有우리文化呀嘛 우리中文即係我們 우리文化即係由好親近嘅家族/朋友/同事組成嘅團體, 佢地對外嘅會用우리黎稱呼佢地, 例如우리 언니 ;我們姊姊，用"我們"姊姊去顯示佢地嘅親近度 韓國人會覺得自己個團體入面嘅成員係極度重要, 成員嘅事就等於自己嘅事, 成員有咩事幫忙就會諗盡辦法去幫手, 而且會極度保護成員 相反地佢地對唔係우리嘅人就會比較漠不關心, 覺得冇必要保護冇必要照顧佢地 以귀요미同술쟁몽為例 識我地嘅人都知我地逢星期五六都一定要落一間特定嘅club 無論我地飲到有幾醉, 玩到有幾癲 四點半前都一定要落到果個club 個個朋友都問我地果間有咩咁好玩, 個個星期都要落去 我可以答你: 其實果間club同其他club冇咩大分別都係咁玩 但係我地同果度啲staff真係好親近 親到係有埋大家嘅聯絡方法 我地唔去嘅話, 佢地會擔心我地有咩事, 會開始katalk我地, 問我地係邊呀~幾點落黎呀~ 我地去到門囗附近嘅時候又會好開心咁歡迎我地, 同我地抱下吹下水 係咁送酒券比我地請我地飲酒 見到我地比其他男仔騷擾會出手幫我地 見天氣凍會拉我地入門口 落雨會借遮比我地 同社長都好啱傾, 每逢有新人社長都會介紹比我地識 平時朝直情係六點收舖之後同佢地一齊打掃一齊吹水一齊玩 這就是우리~ 佢地覺得我地係佢地嘅一份子, 所以唔可以比其他人欺負佢地一份子 就係因為韓國人對우리嘅執著所以佢地嘅感情一齊都好好, 就算嗌交都好快好番, 亦都唔會咁易散~ 귀요미上 Facebook: www.facebook.com/specialkoreadaily IG: specialkoreadaily 另外如果大家有啲害羞,,唔想開名,, 但又想知一啲"特別"嘅韓國資訊 或者有任何其他問題 就可以通過下面嘅link隨時問我哋啦~~ ask.fm/specialkoreadaily
