講真果句, 係韓國落club真係好玩好多, 同香港係兩個世界黎ㅋㅋㅋ 係韓國有分兩種club 第一種係純club: 主要係for人去un, 唔會有太多枱開酒嘅, 唔一定開枱嘅。例如NB2。 第二種係bar+club: 平日係bar for人去飲酒嘅, 但係一到星期五六或者假期前一日就會變做club。一定開枱先得嘅。例如hobar。 整體黎講, 對比係香港係韓國飲酒開枱算平ㅋㅋ 弘大嘅純club,因為入場嘅人十個有九個半都唔會開枱, club為左拉上補下, 所以開枱開酒會比較貴大約要10-30萬won(大約港幣700-2100左右) 係bar+club開枱因為要入場就要開枱, 所以開枱開酒就比較平大約6萬-10萬won左右(大約港幣420-700左右) 係韓國開酒係有極多種類ㅋ淨係最多香港人識嘅vodka都有起碼三種, 仲未計每種入面有四五隻味。vodka除外, 仲有好多唔同嘅洋酒。例如好sweet嘅malibu, 偏苦嘅jagger, 偏澀嘅tequila等等都好受韓國人歡迎ㅋ所以下次黎韓國黎飲酒唔好淨係點vodka, 試下叫下其他係香港少飲嘅酒啦~ 上網search或者睇旅遊書介紹韓國clubbing, 十有十一個都係介紹NB2。通常都係話G-dragon會去, 又係YG開, 好有機會撞星呀等等。 但係講真, 我就係最唔建議大家去nb2, 尤其是係週未嘅時候!! 是旦問個韓國人都知NB2出名多狗公, 十個有八個韓仔落去都唔係為左un嘅...........你們明白的。講真入得nb2嘅大舞池就預左實有韓狗公騷擾。同埋, 老老豆豆我就冇係nb2撞過星喇, 連model都冇撞到個。 我比較推薦大家落코쿤(Cocoon)...係韓國cocoon係一間好出名嘅大club。一講弘大club一定會諗起cocoon。星期一至日都開門, 年中無休ㅋ每逢週末仲會有一個係女仔專用, 男仔入唔到去嘅area, 咁女仔就唔洗擔心會比男仔騷擾ㅋㅋ加上去Cocoon啲仔嘅狗公比率低過NB2十萬九千倍, 就算唔係女仔專用area度玩, 都唔會咁危險ㅋ同埋, 平日係cocoon撞星率都幾高, 我個人就有撞過星同modelㅋㅋㅋ 但係我真係要奉勸追韓嘅女仔一句: 真係唔好以為韓仔係神。 係club韓仔都只係一般嘅男仔, 會j女, 會想抽水, 會想帶你去motel....唔好再咁天真以為韓仔個個都係好仔,又靚仔又浪漫, 事實唔係咁架....總知如果要落club玩就要萬事小心啦下.... 귀요미上~ Facebook: www.facebook.com/specialkoreadaily IG: specialkoreadaily 另外如果大家有啲害羞,,唔想開名,, 但又想知一啲"特別"嘅韓國資訊 或者有任何其他問題 就可以通過下面嘅link隨時問我哋啦~~ ask.fm/specialkoreadaily
