係韓國飲酒嘅時候唔會好似香港咁玩骰盅，猜拳，佢地主要係玩好多唔類型嘅罰酒遊戲。今個post就等귀요미介紹幾個韓國熱門嘅罰酒比大家認識一下啦! １） 彈燒酒樽蓋 毎個燒酒樽都有連住一條金屬條，首先要輕輕咁扭條金屬條幾下，之後順序輪流毎個人彈一下，彈斷嘅下一個就要被罰飲酒。 ２） 摺手指 毎個人一齊舉高同打開手掌，之後講一樣你有人地冇/你冇人地有嘅野出黎，例如：「冇戴耳環嘅」,「有男朋友嘅」,「黑色頭髮嘅」,「90後嘅」等等。毎中一樣就放低一隻手指，邊個最快放低晒啲手指就被罰飲酒。 ３）公寓遊戲 首先其中一個人係１至５０中（視乎有幾多人玩）簡一個數字岀黎，例如１２，之後大家就遞晒兩隻手出黎，手疊手咁疊高佢，然後放最底隻手就拎出黎數１，之後放番係個頂度，呢個動作不斷咁重覆，直至數到１２，１２果個就要被罰飲酒。 ３） ３６９ 呢個係一個數數字嘅遊戲，由１開始數，但係一有３，６，９其中一個數字就唔可以數，要轉做拍手，例如：１，２，啪，４，５，啪，……，１２，啪，……，２９，啪，啪，啪，啪啪，……。因為３３有兩個３所以要拍兩下手，同樣地３６，３９。６３，……等等都要拍兩下手。呢個遊戲真係好講專注力，一冇留意好就會拍錯，就要被罰飲酒。 ４） 鐵達尼號 聽個名就浪漫，但係輸左要飲酒果刻真係唔慌唔浪漫。首先將啤酒杯針到７，８成滿，之後輕輕咁放入一隻空嘅燒酒杯，game start！毎個人順序輪流將燒酒倒入個燒酒杯，量自定，直至隻燒酒杯沉左落啤酒杯底。最後倒燒酒果個就要被罰飲酒。 今次就介紹呢幾個先啦，呢幾個gaｍe叫做老少咸宜啦下，但係其實귀요미仲有知道啲係咸濕版嘅罰酒遊戲ㅋㅋㅋ如果大家有興趣嘅話先另作介紹啦ㅋㅋㅋ 귀요미上 Facebook: www.facebook.com/specialkoreadaily IG: specialkoreadaily 另外如果大家有啲害羞,,唔想開名,, 但又想知一啲"特別"嘅韓國資訊 或者有任何其他問題 就可以通過下面嘅link隨時問我哋啦~~ ask.fm/specialkoreadaily
