]提及起香港最有特色嘅食物大家會諗起咩呢？魚蛋燒賣、砵仔糕？ 今次Five Explorers 帶大家去飲早茶，食香港有特色嘅點心。 | 吉吉點 | 邊個話年輕人唔飲茶，呢間吉吉點嘅點心係由傳統混合左新式菜款，所以都有好多年輕朋友捧場。不過店鋪較細，等位需時。 首先，嘆番壼Explorers 最愛嘅普洱，茶味香濃。 係酒樓食燒賣是常識吧～ 今次Explorer 試咗鮑螺雞燒賣。燒賣！？無錯呢個絕對係燒賣，唔係豬肉丸，只不過無咗平時食開吧黃色皮，食落又有燒賣味道，幾特別。 古法馬拉糕，每次去酒樓必食，但唔係間間好味。不過呢間馬拉糕都幾鬆軟，只不過係細左少少，Explorers 食唔夠喉。 香煎蘿蔔糕，都煎得幾香口，重點係蘿蔔糕裡面真係有蘿蔔絲，而唔係食落全部粉。 翡翠鮮蝦腸粉，蝦腸入面包住生菜，加上爽口蝦仁，比起普通蝦腸好味。 濃湯北菇綿花雞，綿花雞普普通通，特別在於湯底唔係普通清湯，大家一定要飲埋個湯！ 芝士控不能錯過嘅點心，芝士咸水角，雖然入面無好多芝士爆出黎，但係又估唔到芝士mix咸水角有幾夾，唔會太咸、又唔會太油膩。 蜜瓜脆脆卷，係Explorer 最愛之一，新鮮炸出黎，外面好脆口，而入面包住蜜瓜流心餡料，味道偏甜，岩晒最鐘意食甜野嘅Explorer，極力推介！ Edited by Five Explorers team: Joey Chan SPD4459 Internet Marketing and Public Relations 吉吉點 (觀塘) 觀塘宜安街7號財利大樓地下E舖 （港鐵牛頭角 A出口，約步行6分鐘，宜安街街市旁邊） 電話： 2363 0738 營業時間： 08:00 -23:00 大家仲可以去呢個BLOG睇更多好介紹架: https://spd4459fiveexplorers.wordpress.com/2016/10/23/spd4459-five-explorers-•-港式fusion-點心/
