唔該一件蛋牛治烘底吖～今次Five Explorers 就帶大家去觀塘食香港獨有嘅蛋牛治喇。 | SHY Dance Cafe | 唔講唔知道原來SHY Dance Cafe 老闆原來係由前TVB兒童節目主持人伍文生（Issac)開辦嘅新式茶餐廳。去唔到深水涉新香園堅記食蛋牛治唔緊要，黎位於觀塘工廈食一樣咁好味！ 點擊圖片放大 今次Explorers 就試左招牌蛋牛治烘底（$24+$2烘底）。係平常嘅茶餐廳，三文治一般都會用免治牛或者罐頭牛肉。但SHY 就採用新鮮牛肉，所以食落會比較有口感，啖啖牛同多汁。 除咗蛋牛治，蛋包飯都係呢到嘅招牌菜黎。今次Explorers 就試咗龍脷柳蛋包飯同美式牛扒蛋包飯（ $45），大家仲可以揀唔同醬汁（咖喱汁/牛扒汁/燒汁）。整體來說，雞蛋都炒得滑而多蛋汁，而飯底係西炒飯，飯裡有少蘑菇，味道不錯。同埋份量好大碟，係抵食之選。 另外，今次仲試咗經典嘅超級蛋牛麵餐 （ $42）。蛋牛配上出前一丁公仔麵與平時係茶餐廳食到嘅分別不大，無特別驚喜，不過勝在大大份！ 食完野，當然要叫番杯飲品嘆下啦～呢杯凍特色香濃咖啡（跟餐加 $3）出乎意料好飲，原先以為只系茶餐廳嘅凍咖啡，但飲落似平時係coffee shop的咖啡，值得一試！ Edited by Five Explorers team: Joey Chan SPD4459 Internet Marketing and Public Relations SHY Dance Cafe (觀塘) 觀塘開源道60號駱駝漆大廈3座1樓i室 (港鐵觀塘站 B2出口， 約步行4分鐘） 電話: 6677 3547 營業時間： Mon-Fri 8 a.m- 5p.m. Sat & Sun: 12p.m.- 7p.m. Please visit our blog: https://spd4459fiveexplorers.wordpress.com/2016/10/13/spd4459-five-explorers-%e2%80%a2-shyshyshy-%e7%89%9b%e9%ad%94%e7%8e%8b/#more-822
