「五位狗主人帶著調皮的寵物犬來到山間，向一位傳奇訓犬師求助，不過需要訓練的其實並不是毛孩們。 」套劇講緊五位舊主人每日背負着自己唔同嘅故事，被「呃咗」去一個山上狗狗訓練營，開頭半個鐘睇完有啲想停，但最後都有睇晒。令到我可以繼續睇嘅係套戲有好靚嘅景，同埋幾隻狗狗好得意，好識做戲，輕輕鬆鬆，唔使太用腦。提提個靚景，係喺奧地利Tyrolean mountains拍攝，特登喺8至10月仲係綠悠悠樹葉嘅時候影，背後就有個阿爾卑斯山山景，淨係睇個景都值唔少分。其實套戲有少少似80年代香港喜劇，故事亦好簡單，笑鬧一輪之後就會講啲有感情同有愛嘅結局，發現狗狗唔係需要幫助，而是幾位狗主自己，最後大團圓結局。本人覺得有三星。
