「四個年過 40 的超級好朋友使出渾身解數，面對現代男子氣概的全新世界，不過即便用盡全力，似乎也常常搞砸一切。」即係四個麻甩佬朋友，一係就失業，一係就性事唔掂，一係就冇家庭地位，一係搵唔到女，再唔係發現自己有病，總之所有中年危機嘅嘢都發生喺佢哋身上，好似老土嘅劇情，但係佢哋啲對白同埋情節好輕鬆好笑（可能我識少少德文）。成套劇嘅方向係好笑，而唔係悲慘，佢哋四個互相扶持，講出男人嘅心聲，即係互窒對方，同埋睇佢哋點樣用中佬自覺好醒嘅方法力挽狂瀾，攞返男性嘅尊嚴。一共八集，每集30幾分鐘，所以佢冇乜多餘情節，好睇過愛回家好幾倍嘅節目，做完一日嘢腦閉塞後睇最啱。佢而家拍咗season one，好大機會好似Alpha Males(Netflix西班牙嗰套）繼續拍落去。本人認為作為輕鬆小品，佢有4.5/5。順帶一提，睇呢套對學德文有少少幫助。
