呢套Netflix劇一共有三輯，2017到2020，（但我而家先睇）。第一輯一開始停唔到，佢有大量嘅資訊，人物多到要用腦或者紙筆記住先知佢講咩，有時仲要返轉頭睇，所以叫燒腦劇集。佢個plot好犀利，包含咗好多元素，空間時間交錯，蝴蝶效應，少少宗教，又有啲科學根據，好複雜，要坐定定睇先得，成為「Netflix最強劇集」確係堅。第一輯一開咗停唔到，要日頭睇因為有啲驚，識德文聽原聲，自己覺得幾好，不過唔識嘅話可能要聽英文，因為睇字幕再明白劇情有啲Overload。第二輯比第一輯遜色，喺唔知道睇緊咩嘅情況下，一直睇晒第二輯，亦都開始唔使日頭睇冇咁驚。第三輯開始解構劇情，所以又係keep住係咁追去到最尾都好似有啲唔明，但係你都會「哦原來係咁，終於明白」，唔算震撼嘅結局，但係你都係會一定追爆。極度推介， 4.5/5。因為呢套神劇，我開始search一堆德文劇，之後慢慢介紹。
