呢本書係由一個英國人寫嘅,佢作為一個外國人點睇德國人嘅50個唔正經嘅怪癖,其實係一啲生活習慣、睇法等等。本書其實都幾得意嘅,但係佢有好多英式幽默因為用咗中文直接翻譯嘅關係,所以變得好怪同埋好無聊。佢每個怪癖都係有兩三頁紙嘅篇幅,所以淨係有少少掂到就冇再講落去譬如點解會有呢一啲嘅怪癖。喺度我可以highlight有啲比較得意嘅德國人習性:喺室內要着鞋早餐要食好耐之前我有講過最鍾意飲有汽水生日唔可以提前慶祝如果唔係會有噩運德國人都係垃圾分類魔人堅持空氣流通嘅重要性,其實係主要講德國啲窗嘅設計其餘講嘅係關於德國人嘅特質堅持嚴正,譬如飲水好講究,去旅行要規劃得好周詳,搞笑失敗,糾正別人嘅錯處,好認真咁計劃旅遊,計劃生日,同埋對德語嘅堅持。總括而言可以推薦比一啲對德國有興趣嘅讀者,因為只需個幾鐘就可以睇晒成本書,同埋都幾有趣嘅。