德國品牌Primavera專注於有機植物油超過30年，佢哋最出名係佢香薰產品，能帶給顧客源於大自然最純淨的享受。Primavera嘅個人護理產品獲得NaTrue認證，同時獲得Demeter認證。佢哋品牌出名天然有機產品。自從2013 PRIMAVERA已第四次榮獲GREEN BRAND AWARD。這國際 Green Brand Organization證實PRIMAVERA在過去幾年能從生態和持續支持環境方面嘅成果有進步。今次介紹唔係佢最出名嘅香薰油或者妊娠油，係介紹一般人都比較多用嘅來自土耳其大馬士革玫瑰嘅玫瑰花水。呢支花水有助調節皮膚嘅酸鹼值，促進血液循環，同時具清潔、舒緩及淨化肌膚嘅作用，為肌膚帶來清涼嘅感覺。花水一般用於面部護理產品，所有膚質都可使用，包括我嘅敏感肌，亦可用於可滋潤面部及頭髮。香港有一專賣有機護膚品牌嘅連鎖店賣三百二蚊一支，係德國只賣€11.5，成三分一價錢，有100ml。佢有好天然嘅好香嘅玫瑰味，會唔會好濁或者好濃。噴嘴值得一讚，能夠均勻噴喺面上邊，有時敏感皮膚發炎又紅或者熱嘅時候，我就會噴一噴，即刻有舒緩作用。另外佢亦都可以好似當Body Spray一樣，或者我有時噴喺頭髮上面，等頭髮有啲順滑嘅感覺，而且有玫瑰嘅香味喺頭髮上面，當然係好快就冇味啦。如果用歐羅計錢，佢真係物超所值。除咗玫瑰味之外其實佢仲有好多其他花嘅花水，悉隨尊便大家嘅喜好。你啲玫瑰花水我用完即刻再補貨，所以我都比幾高分，4.7*/5!https://www.primaveralife.com/rosenwasser-bio.html
