好耐之前我介紹過上邊個德文班比較好（https://blog.ulifestyle.com.hk/blogger/spassmachen/2015/12/去邊度學德文/），但係如果大家可能冇時間或者唔想俾錢學德文，又或者純粹想試吓好唔好玩，大家有一個好機會，就係可以上呢個網址學習。 https://m.dw.com/en/learn-german/quick-start/s-31682 呢間Deutsche Welle係一個大電視台，佢亦都有網上新聞，有得免費幫你分埋邊個程度，片段有唔同嘅主題，有啲英文附助，容易方便，搭地鐵半個鐘就可以學到好多。我自己來講最鍾意用佢做溫習，有時初級啲德文好多都唔記得，但係又唔想俾錢再讀過，又悶又晒錢，所以上呢啲免費課程就最啱啦！ 學德文其實有好多種方法，除咗免費上網學，仲可以搵一啲Apps，免費嘅有Duolingo，要錢既如italki，同當地人一對一補習，彈性上堂時間，課程內容有彈性。學德文其實仲有好多方法想點學都得㗎！Enjoy German!
