一年一度歌德學院開放日喺星期六順利完成,開放日好正,有免費食物啤酒,仲有抽獎,頭獎係去德國上兩個星期堂!最令我意外係佢哋邀請咗德國Bamberg嘅Hip Hop組合Bambägga!當然佢哋有現場開show,最搞笑嘅係佢哋有1小時Hip Hop Workshop,教我地Hip Hop主要元素,仲有即場喺堂上同同學仔一齊作左一首德文rap,再教大家Hip Hop手勢,大家Rap左成首歌,笑死人!原來呢你同我都可以rap嘅!呢個open day仲有VR玩,又有俾小朋友試吓上德文堂,當然仲有德國最出名嘅board game,開埋間房俾你慢慢玩。仲有圖書館開放任你睇書,有旅遊講座教去德國。喺露天場地有長枱長櫈仔食嘢同飲野,好似一個微型Oktoberfest!夜晚加埋Hip Hop concert,有MastaMic同Bambägga將氣氛推去到最高點!成日所有嘢都係免費,覺得啲學費抵返少少 LOL! GoetheFest咁正,下年大家記得都去參加啦! 點擊圖片放大 +6