面書今日彈出幾年前嘅相片,當年嘅今日我身處喺德國小鎮Vallendar。呢個不知名嘅小鎮,記錄左我人生其中一段最開心嘅回憶。想當年我就係喺度做交流生。呢個小鎮好寧靜,只有八千多人,呢度住咗好多老人家,喺度有一間出哂名既老人院,唔好諗到老人院好似香港嗰啲,差環境,又對老人家唔好。嗰度嘅老人院其實係一幢廿層樓嘅大廈,裏面嘅設施專門為方便老人家設計,例如周圍都有扶手,而且仲安排好多興趣班同活動,又有駐場醫生,基本上每位老人家都有自己一間studio flat,所以你係呢度見到嘅老人家大部分都係好開心嘅。另一方面,因為要平衡鎮內年紀大嘅問題,呢度亦起坐一間好出名嘅私立大學WHU。呢間大學係世界好似唔出名,但係其實佢Master Degree in Management 喺Financial Times嘅排名係2016第9位。一年嘅校費都要幾十萬港紙,喺度讀書嘅都係聰明又靚仔靚女。一老一嫰令到呢個小鎮變得有特色,有生氣得嚟又平靜。 https://www.whu.edu/en/ 呢個小鎮基本上兩個鐘就已經行完一圈,只有一條主要嘅步行商店街,10分鐘內就行完。呢度見唔到Starbucks,冇H&M Zara,好local好生活既小鎮。 呢度有一千零一間飲酒嘅Pub,想當年因為學生希望有個飲酒聚腳點,所以大學嘅學生就提議起咗呢間夜晚飲酒,日頭飲咖啡既地方喺大學隔離。學生如我就一日到黑都喺呢間舖度,有時夜晚學校function都會喺度搞。 呢度唔適合旅遊景點,但係佢有出名既大學學校都可以去睇吓。Vallendar 距離高本斯Koblenz只係20分鐘巴士,距離科隆Cologne都只係1小時火車,所以有時間去走走都幾舒服。 鎮內仲有一間米之蓮一星餐廳 Die Traube: https://www.viamichelin.com/web/Restaurant/Vallendar-56179-Die_Traube-78428-41102 上山仲有一間修道院,我同朋友一日遊上咗山,沿途見到修道院既修女,佢好熱情咁要請我哋去參觀修道院,仲帶我地去食茶點,有佢哋親手做嘅曲奇餅同花茶,喺嚴寒嘅風雪下感到真係好溫暖!