10日荷蘭之旅正式開始,今次同之前唔一樣,冇揀到國泰凌晨機,反而我揀咗KLM 12:30鐘飛機。原來日頭機好痛苦,12個鐘唔可以瞓覺,因為到荷蘭係下午六點半,平時我搭國泰凌晨機一上機就訓足10個鐘,冇晒jet lag。所以建議嗰啲夜晚係飛機瞓到覺嘅朋友千祈唔好揀晏晝機。 一開始一個鐘後就有飯食,跟住就一直冇嘢食仲識晒燈好似叫你要瞓覺咁,我有啲迷惘因為佢冇menu喺座位上,所以我唔知有幾多餐食(後才發現原來要喺電視度揀)。我渴望好快會有第二餐,原來要等到臨落機前兩個鐘先有得食,中間只派下snack,所以發現好多香港人都攞杯麵食。KLM雖然有十幾套新戲,但係有一半冇中文字幕,嘗試㩒左兩套睇但真係聽唔明。最後揀咗一套叫Mother's Day, 全因為女主角有Julia Roberts, Jennifer Aniston & Kate Hudson。 但值得一讚係竟然啲空姐態度又幾好喎,好helpful。 落機首先呢兩件事一定會做,第一就係搵tourist information,第二就係搵電話卡(我好少用Wifi蛋因為我想打長途電話,而且local電話卡網絡穩定)。tourist information 有啲難搵,出咗境要一直係左邊直行,千祈唔好去火車站方向衝。 買火車票可到ticket center,建議唔好去自動售賣機因為可難明,同要用coins,信用卡要有PIN number,紙幣是不行的。Amsterdam地方好細,所以我都冇買到幾日嘅day pass,通常走路。如果去到幾日,建議可以買當地八達通,要€7買張卡(不可退錢),入錢到八達通,但最好問清楚餘額有冇得退錢(佢哋話可以,但我未試過)。之後每程只係按路程長短計,比起買€2.9嘅1小時票通常平一半,除非你一個鐘內會搭兩程車。 除了Google map, 建議download埋當地交通apps, 叫9292,教你點坐車同車嘅時間表,雖然不夠Google map 方便,但係可以做reference。 火車站,唔好衝過去。點擊圖片放大 +2