Christmas market 賣嘅嘢都係一啲聖誕裝飾或者屋企擺設，一般都係木製品，有啲係人手製造，所以價錢亦可以爭好遠。如果要有牌子嘅話我通常都會去一間大型賣聖誕裝飾嘅鋪頭，佢本身主要係Rothenburg 有固定舖頭,冇分季節開舖，到咗聖誕節嘅時候就會喺大型嘅聖誕市集有pop-up store。佢哋有退稅服務，買到一定金額就可以叫佢哋填form等遲啲去機場退稅，而喺出邊市集嘅就冇得退稅啦，所以就算貴啲但係質量好啲又可以退稅，我都係㨂喺Käthe Wohlfahrt呢度買。 http://wohlfahrt.com/en/ 木製擺設最主要有幾個大牌子handmade, 係呢度都有搵到，佢哋有啲係出名製nutcracker, 有啲出名smoker, 但其實都無乜所謂，因為係得入邊買嘅一般都係品質較好。 我有三樣推介： 第一位 Nutcracker - 本身應該真係用來夾合桃，但係後來用做木製裝飾，通常舖頭門口都會有一個巨型同真人一樣咁高嘅nutcracker。Nutcracker 有好多種，包括皇帝、士兵、動物、聖誕老人同埋各種職業 （詳情可以睇下一篇文章介紹）。 比較原始的是木色 第二位 Incense Smoker - 喺肚裏邊燃點香薰，香煙會係口到噴出黎。 第三位 Pyramids - 隨着蠟燭燃點，熱空氣上升，頂上小風扇會迴旋。香港當然好難平時點蠟燭，但係如果有風或者開冷氣嘅時候都可以吹到風扇轉動，就好似風車咁。 其實佢哋出名嘅仲有聖誕掛飾，好似個啲聖誕波波，但係自己係香港無聖誕樹，所以買來送禮居多。 Candle holder 點擊圖片放大
