第一推介當然係熱紅酒即係mulled wine (德: Glühwein)。 這是傳統熱酒(可紅或白酒),加上不同香料,橙皮,糖煮成。 當天氣勁凍嘅時候飲完紅酒成個人都會暖笠笠!一杯€3-4,再加按杯費大約€2-3,如果你覺得個杯靚嘅話就可以唔使還杯飲完直接攞走!我幾乎每去到一個Christmas market 都會飲番杯,最好飲嘅係喺Frankfurt, 亦都係最貴最大杯嘅. 最靚嘅酒杯就係喺Düsseldorf. 有啲細market可能要用舊杯,每一年每個market都會出新杯嘅。順帶一提,為了小朋友都可以分享一下節日氣氛,是有沒酒精的"mulled wine"賣的,德文Kinder小孩的意思,若看到Kind字頭的德語就應該是了。仲有蛋酒 (德:Eierpunsch)都好好味,雖然不夠mulled wine popular. 點擊圖片放大 最好味! 最靚! 沒杯用,用別個market的往年舊杯。。。 第二推介就係蘑菇 (德:Champignon),熱辣辣絆住沙律醬一齊食,食完又係成個人暖笠笠。一份€4,大的€6。圖中的是小的。 第三推介係炸薯餅 (德:Reibekuchen / Kartoffelpuffer) 可選擇中間醬料,傳統的有蘋果批醬 with applesauce (德:mit Apfelmus),係有啲油,但係新鮮炸起好好味,最好同人一齊share! 其他推介: 聖誕提子包(麻麻哋,當應節)(德:Dresdener Stollen) (in Dresden), 好似裝飾既姜餅 (德:Lebkuchen) (in all markets), 不同種類的果仁 (in all markets), 都係聖誕市集的特色食物。 點擊圖片放大 當然Christmas market 入面都會有德國腸同熱湯。有時大market 中可能見到瑞士火鍋 (in Cologne)、中國拉麵 ( in Berlin)潻!如果大家唔怕凍其實可以係Christmas market 行成兩三個鐘,仲可以當食埋晚飯。但係就會多數立食,所以真係好凍好凍!