高過一個大人嘅青蘋果雕塑, 其實係充滿詩意嘅藝術品! 大阪中之島公園係一個充滿文化氣息嘅地方, 入面除咗有大阪中央公會堂、東洋陶瓷美術館、大阪府立中之島圖書館等百年古蹟群, 2020年7月就有最新嘅「童書森林.中之島」兒童圖書館開幕(由於疫情封關關係相信好多人都未去過)。 建築係由安藤忠雄設計, 裏面空間充滿想像力, 全高嘅書架佈滿兒童圖書, 好似入咗圖書森林一樣! 仲有一個短片投影空間, 播放好多故事節錄嘅光影短片去吸引小孩閱讀嘅興趣, 十分推介嘅大阪文化旅遊/親子遊景點!#有片在下面點擊圖片放大 +2