冇得去旅行住，唯有喺香港發掘唔同嘅地道菜式～ 朋友推介灣仔一間地道嘅中東菜餐廳！ 餐廳面積唔算好大，仲有吧枱同室外露天位置。 由於太多顧客（外國人為主）坐於露天位置，我都不太方便拍照。 店鋪外觀圖片可參考下面（由餐廳Openrice網站提供） 當日星期日中午去到已經爆場！ 決定試吓佢嘅Weekend Brunch $280 per head 一次過可以試哂4款Meze前菜+主菜+甜品 前菜Meze即係類似西班牙的Tapas 第一個前菜叫Hummus 由chickpeas 整成 將中東鷹嘴豆打爛再整成豆泥 最後配上麵包享用 感覺好似薯蓉 但係更加有層次感更Creamy 第二道Meze係Cigar 我諗同佢外型似香煙有關 就咁睇有啲似酒樓食到嘅春卷 但係牛肉餡料經過特別香料所烹調 食落更加惹味同有口感 更crispy 再點配中東芝麻醬 嶄新嘅享受 . 第三道Meze係Avocado 運用Za’atar（即類似中式的五香粉） 包括有孜然、芝麻、百里香等等香料 味道以酸為主調 再配上牛油果蕃茄Feta Cheese 整體感覺非常清新 但對我來講就有少少過酸 第四道Meze是Halloumi 即是哈羅米芝士，由山羊和綿羊的羊奶混合而成，好咁外脆內軟，充滿彈性。 口感相對比較淡身，不用擔心會有濃郁的「蘇」味。 經過香煎後感覺有點像煎豆腐，甜甜的挺特別。 食完前菜當然就到主菜啦 . 第一道Mains 叫左Grilled Chicken 運用Za’atar（即類似中式的五香粉） 包括有孜然、芝麻、百里香等等香料 烤雞外皮烤得非常香脆可口 肉質仍然保持嫩滑 超級推薦！ 碟上仲配上少量飯 食落感覺有少少似Risotto 冇想像中的中東米咁硬 反而比較Creamy！ 第二道Mains 叫左Spiced Lamb Skewer 烤羊肉串烤得非常入味 另外配上Harissa哈里薩辣醬與牛肉製成的通心粉 Harissa是一種來自突尼西亞的辣椒醬 由紅辣椒、蒜泥等各種香料和草藥製成 不過唔洗驚會好辣 唔食得辣嘅我完全感受唔到辣味～ 感覺有少少似食緊肉醬通粉 但通粉相對比較硬身 最後就到咗甜品的環節啦～ 當日Chef’s Choice 是Baklava Baklava又名為果仁麥餅，是中東地區流行的甜品。 酥皮包着果仁堅果，再以糖漿和蜜糖烹調而成，是一種口味非常濃郁甜味的土耳其酥皮點心。 酥皮非常香脆可口，內餡非常濃郁甜膩，對於不太吃甜品的我來說有少少偏甜，但也是一個不錯的嘗試。 整體來說，這間餐廳我一定會勁推薦給朋友們！ 可以用這個價錢嘗試到地道的高質中東菜式，CP值非常高，不錯不錯！
