平時一聽火鍋就覺得好熱氣，不過上次試左個「全椰青雞肉火鍋」無溝水、無味精，好似媽咪的健康養身料理，係一個食完唔洗做甘多運動的"輕食"火鍋🙆 椰青火鍋一共放左2顆椰青、3顆泰國椰皇、印度椰子肉🥥，水滾之後先放香茅同馬蹄增加風味，之後將雞分兩次放，煮好後店員姐姐唔比我食住(其實我好餓)好堅持要先盛一碗雞湯，因為佢會充滿雞同椰子油香味，可以代替醬油用黎點雞食，佢仲有比三款雞醬，個人最愛啡色個特式醬；點擊圖片放大 雖然我好餓我都保持返 Tempo去品嘗個啖滑嫩的雞，椰青同雞肉的合體真係甜在口中、暖在心中😍，飲湯仲多過食雞，呢度劃下筆記📝佢地可以「免費加一次」椰青湯底，所以大家可以放肆地飲多啖湯，跟餐的「鮮雪耳」一定要試加埋椰子雞湯真係全場MVP，仲可以補下唔見哂的膠原蛋白💞點擊圖片放大 +2 「全椰青雞肉火鍋套餐」Mop388 (2-4人用)文昌雞全隻+ 6款配菜 (雜菜、芋頭、冬瓜、海鮮丸、響鈴、鮮雪耳)如果覺得椰青雞肉唔夠霸氣，佢地仲有兩款泰越火鍋 – 泰式海鲜冬陰功火鍋&越式羊腩煲； 「冬陰功火鍋」湯底加左泰國椰漿，中和左辣度又唔怕越煮越咸，佢地比左個特製酸辣海鮮醬點，但係湯底好夠味我食到最後一隻蝦先記得點佢😅 套餐跟左大大盤海鮮，有龍蝦、飽魚、蝦、蜆、青口，樣樣都係新鮮食材。 「泰式海鲜冬陰功火鍋套餐」 mop 488 (2-4人用)當季新鮮海鮮拼盤+6款配菜 （ 雜菜 、蟹味菇、腐卜、響鈴、蓮藕、海鲜丸 ） 另外一個係比較唔同的「越式羊腩煲」，佢係個中越混血兒🤪個樣似平時大排擋見到甘樣，但內在有種東南亞味道，佢無跟腐乳點醬，因為佢將腐乳、米酒、藥材一齊放左入湯入面，食落味道無甘咸，最後可以加個粉絲連湯飲埋，雖然無腐乳點但有古法特製醬料，更加提升羊腩味道。 「越式羊腩煲套餐」mop458 (2-4人用)黑草羊腩&胡椒雞爪一份+6款配菜(雜菜 、白蘿蔔、響鈴 、淮山、粟米 、蒜苗）點擊圖片放大 Sou 愛吃指數🐷🐷🐷Sou 驚喜指數🤩 🤩 ‼️ 火鍋套餐只限晚上供應，午市是泰越簡餐 ‼️ 因食材要買當日新鮮的，建議需提早電話預約NoodlesVietnam 麵越 IG//FB📍 澳門馬濟時總督大馬路412號AT座地舖星海豪庭 (來來對面)⏲️ 11:30-23:00 /(日)12:00-23:00 ☎️+853 6829 6703更多網誌https://www.instagram.com/sousosoualive/
