好耐無食放題,甘岩聽朋友介紹話有間正既放題介紹 所以決定約男友去撐下枱腳,我地都幾鐘意放題 一來我地仲e食日本野~二來放題可以放縱甘叫放縱甘食,特別好胃口 三木放題系尖沙嘴k-11對面的國際商業信貸銀行大廈15 樓,位置好方便就腳 三木晚上的放題時段有兩個，分別是18:00-20:15或20:30-22:45 預約左06:00PM~一出升降機,已經有不少人等緊 到了06:00PM,準時排隊入座~秩序幾好,沒有混亂場面出現 餐廳坐無虚席~人氣十分 餐廳的地方寛敞~坐得舒適 一坐低,當然點刺身拉,刺身選擇都幾多 - 三文魚、甜蝦、吞拿魚、帆立貝、北寄貝、八爪魚、鮑片、象拔蚌 件件鮮味十分,沒有雪藏味,甜蝦更加大大隻!!爽牙 軍艦壽司也不錯 最欣賞上桌的時候紫菜仲系脆的,雖然是基本野 海膽、蟹膏都幾好～～吾馬虎!誠意之作 天婦羅~毎次放題必食,因為好抵 叫左南瓜.蕃薯.海老.紫菜海老等~ 脆皮不厚而且脆トト~南瓜.蕃薯都好軟好甜~超好味 壽司的水準也好好 首先飯不會太大塊~ 推介火炙壽司，三文魚好嫩滑!!食左好多件 小食方面 牛舌串燒~雖然不是入口即溶,但味道惹味香口 可樂餅~~脆脆的~入面有少少薯容和肉~味道剛好 燒箥羅~酸酸甜甜,好多汁開胃! 辣洒煮螺~螺肉無沙,好鮮味 手羽雞翼啖啖肉~~煎得香脆,肉汁鮮嫩 食到甘上下,就心思思想叫甜品 朋友極力推介甜品,話一定要留肚食 真的!甜品也很不錯 柚子雪糕好清新、柚子十分仲有果肉!! 焦糖燉蛋更美味~好香滑、入口即溶 蛋味濃郁,甜度剛好,共食下3個 木糠布甸男友至愛~餅乾碎牛油味重~Cream細滑香甜 總括而言: 三木的主菜和甜品一樣出色 店員主動倒骨換碟、加水 上菜快,有小食等欠缺,店員都會知會一聲
