多謝U Blog先~連續刊登左2次FB page再加本週人氣NO.1!!! 多美子真係受寵若驚,希望大家繼續多多支持! 上篇講左第1-5個慳錢攻略 下篇貫徹多美子既師奶精神慳得一蚊得一蚊 如果係女生第一次一個人出門遊日必讀! 純粹個人廢up,歡迎交流旅遊心得!不喜勿插:P (6)免費景點!? 去旅行梗係要周圍走,但日本交通費真係好貴 所以多美子最喜歡去免費景點!!! 推介1—JAL 工場見學 Sky Museum 自私d先hard sell我另一篇文: https://blog.ulifestyle.com.hk/blogger/solotraveldiary/2016/07/三萬円遊日兩星期糸列-免費參觀jal飛機維修工廠/ 為何選擇: 橫掂飛羽田空港,坐鐵入黎/出去實經過! 可以入到著名日本航空公司JAL公司飛機工厰影相好少有, 行預約制連本地人都爭崩頭,不一樣體驗! 最重要有得post相打卡呃like!科科! 網頁: www.jal.co.jp/kengaku/ (日本語) 地址: 東京都大田区羽田空港3−5−1 推介2—東京都廳舍 為何選擇:第一次遊日上過SkyTree風景真係冇得彈! 但又要排隊好耐兼吾平,所以揀依到! 地點又方便,開早收晏,有cafe同酒吧! 南展望室 9:30am-5pm (每月第二個和第四個星期一營業到22:30) 北展望室 9:30am-10:30pm 休息日: (南展望室)每月第一、第三星期二 (北展望室)每月第二、第四星期一 逢國定假日時則開放,延至隔日休息。 註:禁止使用三腳架!仲有東京觀光情報中心! 網頁: http://www.tokyometro.jp/tcn/attractions/metropolitan_govt_bldg/ 地址: 東京都新宿区西新宿2丁目8−1 推介3—八芳園 據說是江戶初期德川家康身邊大臣之一的大久保彥左衛門的下屋敷 (郊外別邸),有著重視與自然和諧相容,並維持至今的日本庭園。 1950年,以「從西面八方觀賞都很美麗的場所」之喻意而命名。 有半日時間打算relax不妨去,鍾意咪拎本小說坐低慢慢睇做文青 春天有櫻花,秋天有紅葉,係當地人辦婚禮熱門地點! 推介4—東京藝術大學 奏樂堂 每逢秋季既星期四早上11:00, 都舉辦由東京藝術大學愛樂樂團演出的Morning Concert, 有得免費聆聽現場室內交響樂,座位也是自由選擇! (小知識:強烈建議坐第18/19排,因為係平時保留比皇室既VIP席, 環迴效果超正!) 推介5—JP Tower學術文化綜合博物館 INTERMEDIATHEQUE 由東京大學綜合研究博物館和日本郵局合作之下營運, 在舊東京中央郵局大樓改裝而成的商業建築KITTE內。 收藏了各式各樣貴重學術標本, 不僅有現存的動物更有已絕種動物的骨骼標本! Address: Marunouchi 2 chome seventh 2 JP tower /KITTE 2.3 floor, Chiyoda-ku, Tokyo, 100-7003 (7)有咩好西食!? 吾多錢但想食好西?多美子食過最愛依幾間! btw先介紹3好用app比大家,功能同openrice差吾到 就算睇旅遊書吾到自己心水餐廳,開app可能有驚喜搵到好食呢! 點擊圖片放大 大家又有咩心水餐廳,歡迎分享! 推介1—齊藤割烹(さいとう) 入谷駅 必點「具の大盛り海鮮丼」 CP值極高魚生飯,但好多人排隊,請預留時間 推介2—名代宇奈とと 上野駅 幸福感滿瀉の鰻魚飯 平民價兼任添飯 推介3—すし椿 池袋西口店 午市爭鮮價食握壽司套餐 推介4—立食蕎麥店/烏冬店 橫浜駅/新木場駅/各大車站 方便快捷,二百八十円好味烏冬兼感受立食文化 推介5—Shion壽司,平價迴轉壽司,好多OL放工食,離新宿車站非常近! (8)邊度有得執二手筍貨!? 多美子徹頭徹尾係一個窮鬼錢吾多但又好想買正野, 黎到日本發現好多二手筍貨! 推介大家黎東京必去景點之一:上野アメ横! 推介1—MODE OFF古著店 http://www.hardoff.co.jp/shop/kanto/tokyo/modeoff/204007/ 除左二手衫仲有已下架既上季貨,超超超平! 有衫手袋鞋飾物銀包帽圍巾通通齊曬! A Bathing Ape, Beams,Lowrys Farm 香港人熟悉既品牌都會出現! 杜如風介紹果間Don Don Down on Wednesday 大阪東京都有分店但經過上野可以去MODE OFF 推介2—運動用品店 上野阿美横丁沿途有吾少運動用品店,經常做衫同波鞋特價,如果YEN跌既時候買真係好抵!當日星期五我去係同一班日本C9死迫爛迫(完全係你係睇卡通片蠟筆小新呀媽買衫血拼果種景象)揀全新連牌高質運動衫同T-shirt,25蚊港紙一件邊到搵呀!?當你喪摷果座衫山又搵到心頭水真係刺激過尋寶爽歪歪! 註:我一時興奮過龍吾記得格價,見到街尾果間一模一樣點知15蚊港紙唯有不斷自我安慰自己! 推介3—二手相機店 雖然多美子一向旅行都靠iphone黎拍下美好回憶,但如果有專業既相機影出黎又真係吾同D既!如果新手想買番部平平地CP值高不妨去 Ameyoko Camera Address: Ueno 4-7-8, Ameyoko Center, 3F Taito-ku, Tokyo, JAPAN Phone: (03) 3833-3671 Hours: 10:00-20:00 (Closed 3rd Wednesday) 註: 依類舖頭好多,加埋相機等級制完善 (若我冇記錯分為9級) 只要有心兼銀彈充足絕對買到心頭好! (最好!) 新品、未使用品 新同品 超美品、極上品 美品 良上品 良品 並品 下品、難有品 (最吾掂!)故障品 如果沒有寫TAX FREE,可以問下有冇,幫自己爭取平價! 基本上冇價講,如果試左一次吾得就吾好喇 大多數營業時間到晚上8:00/8:30 (9)幫人買藥妝邊到最正最好!? 多美子去親日本都實有死黨叫我幫佢買藥妝, 淨靠whatsapp張相跟住喪行幾廿間問冇呢隻有冇果隻真係行到腳跛 知道好多人會去松本清,普通分店係藍黃招牌,白色招牌寫埋TAX FREE 係專服務外國人吾使擔心溝通吾到!只要睇下店員名牌, 就知道對方識講咩話,貨架有曬中英韓標示,非常清晰! 但個人經驗我會揀OS Drug!雖然要比CASH又冇TAX FREE 舖面細間D迫D但起碼搵到多美子需要既! 最重要平過松本清! 例如上野アメ横同一條街OS Drug同松本清同貨吾同價! 綜合左多美子同朋友意見後,列出心水入手貨: 花王蒸氣眼膜/糖衣裝便秘藥/防過敏噴霧/保濕口罩面膜/腸胃藥/染髮劑 曼秀雷敦藥用護唇膏/DHC護唇膏/武田製藥合利他命強效錠EX PLUS (10)終極煩惱:買咩手信好!? 多美子第一次去日本時銀彈充足但冇特別買到咩手信 只係一口氣寫五十幾張POSTCARD寄番香港同美國,卡連郵票真係好貴 但值得既!個人認為POSTCARD有心思D同埋可以保存到老友收到好開心 但如果番公司派或者一大班朋友gathering點算好?買零食實冇死! 推介大家可以去上野既「二木之菓子」平平平!抵抵抵! NO.1人氣日式零食及和菓子專賣店,款式多又齊全,盒裝送BOSS散裝一大包派街坊 母親大人姨媽姑姐指定手信拌飯料、昆布絲、尾菜、昆布各種日式調料全部齊曬 (多美子呀媽要求運N甘多支豉油同梅酒番香港,搞到嚴重超重俾地勤話) 綜合左多美子同朋友意見後,列出心水入手貨: 生八ツ橋和菓子/醬油仙貝/所有抹茶產品/巨型朱古力 巨型尤魚片/伊藤家緑荼粉/特別POCKY 味覺糖コロロ葡萄軟糖/卡通食玩/炭燒帆立貝 總結分享左上下篇心得,最重要希望大家每次旅行玩得開心, 旅行STYLE個個都吾同,有獨遊有二人行有一大班人去, 有窮遊有喪跑景點有爆買豪食豪住,但只要開闊心胸享受成個Trip, 番黎都會係快樂回憶值得回味!