純粹個人廢up,歡迎交流旅遊心得！ 今次幸運地贏左JetStar"世界遊王挑戰賽"贊助機票 加上多美子呀媽皇恩浩蕩贊助住宿先可以兩星期洗三萬円咋 多美子每半年番日本探老友兼恃著識幾句日文扮本地人 雖然吾係出身富裕人家,去旅行無法住5星豪食爆買 但只要依到慳d果到慳d總有多餘錢可以買心頭好！ 以下介紹係多美子日本兩星期既10大慳錢攻略！ 女生第一次一個人出門遊日必讀！ （1）得7kg點執行李好？ 多美子平時去旅行多數用行山背囊(淘寶貨109人仔勁好用) http://m.intl.taobao.com/detail/detail.html?id=528243871518&spm=a312a.7700714.0.0.dCkDnd#detail 今次腰痛所以轉拎細喼但坐廉航得果7kg放得幾多野呢, 所以好單純分三類 衣物：由於住旅舍果到有得洗衫 （幾百円投幣式洗衣機一次嫌貴就自己洗) 兩星期執左5條夏天連身裙+簿外套 +兩件舊tee波褲(for瞓覺著完旅程完就棄) +舊冲涼毛巾(for瞓覺著完旅程完就棄)+內衣褲幾set *****衣物強烈建議係卷腸粉放入喼可以節省空間***** 食物：雖然講出黎有d樣衰但堅·慳錢！ 一大包麥片+蘋果+一包太平梳打餅+一大包通心粉&濃湯寶 (簡單黎講屋企d剩餘物資) 因為一到埗果晚瞓機場即刻攞蘋果同餅黎食, 之後住宿又俾煮食,朝朝煮早餐超飽 日用品：M巾(吾記得帶要買條氣吾順),冲涼用品,牙刷 只要你食曬d野食兼有d衫會棄,你個喼就會多左空間放你d戰利品 註：可以再咩個小背囊放貴重物品/ipad/水樽/手巾仔/遮.... （2）機場點出市區好？ 機場出市區果程都真係好乸利,一定要計算清楚！ （假設係機場出東京駅八重洲北口OR東京駅八重洲北囗去機場） 成田:首選900円京成巴士（需提早三日係Lawson/7-11預訂） 註：懂看日文及提供日文姓名電話，上車會同你對名 如果係即場買飛1000円/拍IC卡950円 http://www.keiseibus.co.jp/s/kousoku/nrt16.html 註：途經銀座駅，尾班車東京開晚上9點，坐一個鐘到達成田！ 上次坐NEX三千幾円勁肉赤！打死吾會再坐！ 羽田:坐鐵最平！572円！ 點擊圖片放大 （3）買Suica卡/IC卡定買DAY PASS好？ 知道好多朋友遊東京都會用day pass,不過多美子就未有機會用過 個人認為依種車票適用於東京metro和都營全部十三條地鐵線 800円都係划算既,但其實日日係搭JR同其他鐵（相模/小田急） 況且張卡坐車/麥當勞/超市,去到大阪都用得！寧願要張卡方便d 話説我既台灣室友買左卡同day pass之後發覺連出街/番屋企條線都係JR 冇用到day pass最後焗住最尾一日用坐回本為止 不過人人情況吾同,最緊要係計清楚交通費搵最適合俾自己 成日聽好多人好驚東京坐鐵覺得：「媽啊！好亂好複雜啊！」 其實用岩app查好簡單方便(上車點/下車點/咩時間/幾錢/坐幾耐) 當您坐鐵拍卡入閘之後抬頭望住顯示屏 三部曲： （1）先搵坐咩線 （2）幾多號月台 （3）咩方向（左邊定右邊上車） 進階版睇埋車係各駅停/急行/快速急行 強烈推介download 依2個app （4）大黑屋咩東東？ 簡單來說金券店是也！！！ 參考網站：http://yokohamaticket.co.jp JR新幹線百貨公司主題樂園溫泉演唱會球賽電影博物館吉野家麥當勞...... 總知咩都有得你買！甚至平到你吾信！當地人都好鍾意幫襯！ 大黑屋就比較出名d大間d,如果經過新宿駅既思出橫丁外面有好多間金劵店 或者岩岩咪講完(成田空港至東京駅京成巴士), 當您番到東京一落左巴士站向前行2分鐘就有大黑屋 等多美子話俾大家知買過乜~~ -例子(1)有三天探老友要來回新宿至新奈川県海老名 正常坐小田急鐵單程買飛500円用IC卡494円,金券店賣400円 (六程一共2400円即係慳左600円) -例子(2)西武池袋畫廊正做緊 ROMERO BRITTO-LOVE & PEACE畫展, 甘岩last day竟然門票賣50円超興奮執到寶！ -例子(3)打算去後楽園駅既Sap Laqua浸溫泉 http://www.laqua.jp/spa 正價係2634円如果星期六日另加324円 依家只係1600円就有交易！ （5）一個女仔住邊好？ 利申：冇收錢賣廣告 超級強烈推薦櫻楓會館！！！ 好處: (1)老闆娘係香港人好易溝通！ (2)地點方便，北赤羽駅步行2分鐘就到，附近有超市晚上12點才休息 又有7-11，100円店，大間藥妝店，肚餓有松屋/居酒屋/拉麵店！ (3)廚房廁所乾淨企理齊全，有日本婆婆隔天清潔！ (4)人情味好，基本上全部都是一個女生旅行，來自日本印尼澳洲香港台灣 好友善好快混熟大家一齊行街傾計煮飯互相幫忙！ (5)價錢合理，一百一十多港幣一晩，全東京最平！ https://www.hotels.com/mobile/hotelDetails.html?q-check-out=2016-07-13&q-check-in=2016-07-12&WOE=3&WOD=2&q-room-0-children=0&pa=3&tab=description&hotel-id=569493&q-room-0-adults=1&YGF=1&MGT=1&ZSX=0&SYE=1
