多美子好想去旅行但又冇咩錢真係出盡辦法 今次毒(獨)遊兩星期日本 成功挑戰用三萬円(約二千港幣)生存到 就等我同大家分享小小心得,先講下羽田空港過夜攻略 今次去程坐HK EXPRESS 回程坐JET STAR 中間飛大阪坐樂桃 基本上坐得廉航要平價的話出發/到埗都係深夜或者清晨 有人會話一個女仔半夜瞓機場咪好危險(包括多美子呀媽) 但其實試左之後就真係諗得過喎! 第一晚到埗羽田空港,幾班航班同一時間落機,好多人排隊辦入境手續 去到出境大堂已經凌晨1點,已經見到不少人準備過夜 橫掂大把時間黎個深夜機場tour! ---首先直上5樓展望台外面超大風黑媽媽咩到睇吾到 HOT ZONE/COOL ZONE商店已經休息,好光猛少量凳可坐,吾見有人瞓 ---再落4樓(江戶小路/餐廳)真係另一番光景, 好多長凳直頭一張張床甘(當然比較硬),相當有氣氛好似入左古代日本老街 眼見個個大喼細喼有晒自己地盤有除晒鞋襪瞓有打機有同朋友吹水... 也有不少女生獨自旅行都熟睡中,小妹都揀左依到瞓,暗暗地吾算嘈 洗手間又近保安哥哥會經常巡邏所以吾太擔心,推介係依到瞓! 另外4樓既資訊板真係好貼心,會顯示埋邊d餐廳係24小時營業, 吾使擔心會餓親,冇咩所謂既話可以揀吉野家, 經濟又飽肚,4點已經供應早餐,最平都係二百七十円 ---之後落番2樓3樓出入境大堂有免費叉電枱,收費電話/電腦, 又有收費沖涼室真係好靚好舒服,仲有間24小時CAFE, 但如果你怕光猛同嘈吵真係瞓吾到,有人係成set頸枕眼罩耳塞毛巾被出動 ---最後1樓有吾少長凳,叉電枱,郵筒同24小時LAWSON大把野食野飲買 其實大約瞓到六點多醒就可以plan下交通出市區, 鍾意買埋IC卡買電話卡去旅客中心攞資料時間話甘快就過 3樓入境大堂 4樓地圖 4樓江戶小路 2樓出境大堂 4AM吉野家早餐 總結過夜體驗尚算吾錯!下次大家坐深夜或者清晨機可以試下呀!