行山/游水/滑浪一日玩哂市區酒店 Staycation 有幾好玩？！如果想搵一日同朋友家人靜靜哋過，又唔想露營咁辛苦，咁就可以試吓豪華露營 Glamping，有得玩又可以享受郊遊樂趣。Glamping 喺外國好流行。原本 book(ed) 🤷♂️ 去韓國 Glamping ，因為疫情冇得去，唯有試試香港豪華露營，估唔到都有驚喜。JC Club 豪華露營體驗☑️ 香港 Glamping 地方唔多，不離大嶼山同長洲。JC Club 位於大嶼山，去大澳、貝澳沙灘、大佛都方便，玩到2日1夜，計劃行程好容易。👌☑️ 營地雖然近民居，但自成一角，絕對感受到露營樂趣。附近亦有好多餐廳同酒吧(亦都係選擇JK Club 原因)。夜晚食完飯可以去飲杯嘢，傾吓偈。露營車有幾種選擇，1-2 人露營車 ⛺️ 唔大，舒適度當然同酒店房冇得比，不過露營車細細地，望住個天窗，夜晚同朋友傾吓偈，中學宿營 feel 返晒嚟。👏👏 露營車有幾種選擇。車前都有燒烤爐同枱，戶外野餐無難度。☑️ 如果一家大細去，小朋友可以在營地裡親親小動物、跳彈床。大朋友當然可以行8-10 分鐘去貝澳游水同滑浪，海灘旁有得租滑浪用品。海浪當然冇大浪灣咁大，但勝在冇乜人。見到人哋玩風箏滑水（kitesurfing)，值得一試。鐘意行山嘅朋友，可以由十塱行鳳凰徑到梅窩，路徑唔長，都係新手和一家人不錯嘅選擇。 貝澳沙唔靚，不過好靜，慢慢行都有一番風味 貝澳都有露營地方，不過疫情都關了 除咗有羊，亦有白兔☑️ 營地當然可以 BBQ 🍖 ，營地有提供食材選購，好方便。不過，當日同朋友試新嘢，食咗烤雞同烤烏頭。食材用荷葉包住烤，肉質鮮嫩，juicy。👍 亦配有烤蔬菜。不過， 一家大細最好BBQ🍗，又可以自攜食物。飲酒「吹水」，望住星空，咁就一晚。 附近都有茶餐廳。好食？未必，不過食出小村的簡單風味☑️ 重點係朝早起身，蟬叫、鳥聲，雨聲包圍你，大自然氣息唔會喺酒店 Staycation 搵到。🦜🐇🦙🌹🌼 ➖ 好難訂真係一個好大問題，兩個月要訂，所以要有周詳計劃，早訂早享受。小結朋友、一家大細玩足2日1夜。計番條數比酒店 staycation 貴🤦♂️，但經驗難求，睇吓牛🐃， 行吓村莊，真係好寫意。更多旅行玩樂，請按此。#尋找你的旅行背包
