遊走「銀河洞越嶺步道」半天遊 疫情下人人都行山！🚶♂️🚶♀️如果2021年仍覺得有些微機會，可以計劃試行台北「銀河洞越嶺步道」。步道不長，除了睇到台北最具仙氣的岩中廟之外，行到貓空又可以行茶園，試食走地雞和野菜，絕對顛覆「永遠都係西門町」的旅遊經驗。 交通：新店捷運站坐12號公車🚌，銀河洞站落車，再行30分鐘就到達登山口。#一個人旅行 唔急，行吓「無所謂」。銀河洞小故事「銀河洞」（1914年）其實是依洞而建的呂洞賓廟，在1958年重新改建。據當地人說：日治初期，抗日英雄陳秋菊曾利用銀河洞的天險和日軍周旋，最終日軍都無法擊垮陳秋菊，可想而知銀河洞有幾險。 「銀河洞越嶺步道」初段路比較斜和難行。千祈唔好著太靚去影相，因為要「真」上山。由登山口行30分鐘就會聽到瀑布聲，轉彎就睇到「銀河洞」真貌。銀河洞依山壁內凹所形成的天然山洞建造而成，洞外有著名的「銀河洞瀑布」。瀑布由斷崖瀉下，係IG仙氣打卡位。不過靚嘢像極了愛情💑...... 永遠是擦身而過🤦♂️(當天水量唔夠，影唔到靚相)。廟不大，比較暗，反而幾有特色。銀河洞外長滿青苔和大型蕨類植物，將廟和自然融合，是一條兼具自然及人文氣息的越嶺步道。 聽銀河洞的廟祝伯伯說，雨後的銀河洞最美，因為會見到銀河洞瀑布，不過真係要睇運氣(如果運氣好，早就中咗六合彩)。🤷♂️ 沿步道行，會發現一些農田和村屋。，很有鄉間風味。 對城市人來說可能幾匪夷所思。 途中看到101大樓。不過當日大陰天，相影得不好(但起碼可以幻想吓)。步道可以由新店行到貓空。貓空為昔日台北市最大產茶區之一，是茶藝及夜景勝地，也因為貓空纜車和木柵動物園而聞名。當然貓空景點不只這些，當中亦有好玩好睇的地方。 貓空有幾個較大茶莊。聽台灣朋友說貓空出產的鐵觀音味道特別。行完山在茶坊坐低飲杯茶，買手信，慢慢睇台北風景，真係好寫意。🧋🫖🍻 除了茶園，農地亦種有其他農作物。沿樟湖步道與樟樹步道到貓空纜車站會見到綠油油的茶園，所以來貓空絕不少得泡茶和喝茶。這裡亦有一些餐廳將茶葉入饌，絕對可以一試。 山上天氣變化較大，帶多件衫，最緊要帶雨傘☔️。(咁大個仔都係第一次見茶園) 貓空樟山寺外觀樸實，位於老泉街，寺內供奉著18手觀音，寺外可以看到101大樓和陽明山。 大感恩！第一次在貓空茶言觀舍吃到土雞。雞髀有半塊面咁大，係新鮮嘢，肉質結實。當然唔少得野菜，新鮮。貓空纜車全長4.03公里，為台灣最長纜車。當中最受歡迎的水晶車廂底部由4.8公分厚的3層強化玻璃打造，全透明視野帶給乘客新鮮、刺激體驗。 相信好多朋友都坐過貓空纜車🚡，下次可以深度遊睇吓貓空山上景點。 如果有時間，亦可以到車站旁的台北市立動物園走走，極力推介。小結 「銀河洞越嶺步道」和銀河洞可說是香港人較冷門的台北旅遊景點。如果只想影幾張相，可能會覺得路程比較遠，但如果喜歡戶外活動和行山，路線可以同時滿足幾個願望，絕對值回車票價。銀河洞位置地址: 新北市新店區銀河路(新店銀河仙境福德祠) 路程：2.2公里約需時間：1 小時 5 分鐘 (如何到貓空時間會較長)#尋找你的旅行背包 #尋找你的旅行背包台灣篇
