之前見介紹話韓國一間位於濟洲既Cafe Terrace in seaside 開到黎香港，今次去開屯門終於同朋友黎試吓🪁餐廳雖然係open area不過都充滿悠閒度假風，木系裝橫加上草既元素感覺好清新，今次同朋友都叫左幾款野食，味道都唔錯架😍 點擊圖片放大 🥗蟹籽雞蛋蘋果薯仔沙律（$68）薯仔份量都幾多，食落去好軟綿，加上爽口清新既蘋果同蟹籽，口惑更加豐富! 另外沙律上面都有啲雞蛋碎，顏色更加Sharp，如果多啲蘋果更理想 🍙傳統飯卷飯卷（$68）小編幾鐘意呢個! 呢到飯卷飯嘅比例係相對較少，入面餡料好充足! 包括：紅蘿蔔、雞蛋、青瓜同牛旁，口感幾清爽不易膩 🍛醬油黑毛豬白切肉飯（$105）黑毛豬肥瘦相間，食落去雖然邪惡不過幾惹味!配埋旁邊既沙律菜一齊食有助解膩，泡菜飯就正正常常，如果泡菜炒一炒會更香口 🧇濟洲蜜柑忌廉窩夫（$88）窩夫食得多，濟洲蜜柑口味就比較少食，所以就叫左黎試吓。窩夫即叫即製份量都幾多!外皮鬆脆，加上軟滑嘅忌廉同清甜嘅蜜柑，同朋友一齊開心share就最perfect! 🥪水果忌廉三文治（$62）之前係其他鋪頭食過幾好食，今次呢間個味都唔錯! 淡忌廉帶奶香口感軟滑，入面仲有金奇異果、士多啤梨同橘子，配上鬆軟既白麵包好清新 🍊柑橘乳酪（$68）黎到必點!上面既橙仔打卡一流! 入口都幾清新，乳酪微酸不會太甜，值得一試 🍵濟洲綠茶梳打 $42綠茶梳打入口好香綠茶味，梳打有助解膩 _🏞地址：Terrace in seaside 屯門屯順街1號屯門市廣場一期UG樓9-12號舖__________________________________想知更多飲食玩樂資訊？即刻Follow @sohyeon_sharing 留意最新推介喇🤩
