去唔到旅行又好掛住韓國？長沙灣最近就開咗間裝修好有特色既韓式Cafe!餐廳以韓式傳統澡堂作主題，迷你浴池配上模仿韓國澡堂既圓鏡同花灑設計，打卡一流!️另外佢哋仲有幅燒酒牆，真係好似置身於韓國一樣。點擊圖片放大 +5 _ 講返嘢食先，餐廳有提供韓食同甜品，另外亦有多款特色飲品同Cocktail選擇 新沙洞甜品套餐 $128/1位 Tea Set包咗2款鹹點、6款甜點同一杯自選飲品 擺盤好靚，小編特別鍾意朱古力慕絲香蕉撻!朱古力脆皮包住軟滑嘅朱古力Mousse同香蕉好夾 甜點包括朱古力慕絲香蕉撻、兩款口味馬卡龍、士多啤梨吉士撻、爆谷吉士撻同士多啤梨奶凍 鹹點包括八爪魚雪糕筒同煙三文魚多士 . 韓式牛角酥窩夫 餐廳有提供甜同鹹既Croffle，口味都係平時比較少見 ️爆谷布朗尼 $48 鍾意食朱古力嘅朋友仔一定要試吓️!呢款Croffle加咗糖漿、忌廉、布朗尼、爆谷同香蕉，層次感豐富，雖然係好邪惡不過值得一試 韓式甜辣豬肉 $58 小編自己就比較鍾意甜既Croffle多啲，甜辣豬肉份量充足，不過豬肉就比較乾身，如果可以軟身啲口感會更理想 . 韓式炸雞 $48/3件 $78/5件 今次小編就試咗蒜蓉醬油同韓式甜辣口味，外皮香脆食落都好多汁!另外鍾意試新野朋友仔絕對唔可以錯過佢哋嘅麻辣勁爆芫荽口味，下次有機會先下先 辣牛肉湯 $108 所有湯品都會配飯，辣牛肉湯飲落去唔算好辣，入邊仲有冬粉、豆卜、芽菜等配料，份量都幾充足，可以兩個人share . 藍柑橘白桃梳打特飮 $48 玫瑰梳打特飮 $48 店員推介話呢兩杯飲品都係幾好飲同好啱打卡️!飲落去都唔會太甜，玫瑰味香濃，白桃果杯清新開胃，有助解膩 _ 地址: 新沙洞澡堂@sinsadong.bathhouse.hk 長沙灣福榮街506-510號榮發閣地下A1號舖 ________________________________________ 想知更多飲食玩樂資訊？即刻Follow @sohyeon_sharing 留意最新推介喇
