相信大家對長沙灣呢間啦波希米亞風Cafe已經好熟悉!最近趁住得閒啲再同朋友去打卡☘️裝修好舒服打卡一流!估唔到餐廳由開業到而家都仲好受歡迎，唔想排隊等位記得要早啲去啦 _🥗Boholic非凡全日早餐 $158材料真係超級豐富呀！呢個價錢可以有半隻芝士焗波士頓龍蝦真係幾抵食另外仲有好多配料包括烘酸種麵包、松露炒蛋、煙三文魚、茄汁豆、香草腸、烤蕃茄、茄子、沙律菜及薯角，小編特別喜愛松露炒蛋，配埋麵包一齊食好滋味 _🥩香煎慢煮澳洲板腱牛扒伴琵琶蝦 $158擺盤好精緻好有心思，琵琶蝦食咗幾彈牙，板腱牛扒係厚切，配埋醬汁一齊食幾惹味 _🧇日本焙茶麻糬窩夫配酸忌廉豆乳雪糕$98本身諗住試佢哋嘅梳乎厘，不過見到太大份所以最後叫咗窩夫嚟試吓，豆乳雪糕味道唔會甜，焙茶麻糬窩夫食落好煙韌!值得一試 _🧉Espresso Tonic $48味道正常，不過倒嘅時候就冇漸層嘅效果🥺 Mocha $38拉花好靚打卡一流，入口順滑，朱古力味比較濃郁 _地址Boholic 長沙灣福華街561號君凱豪庭地舖及1樓________________________________________想知更多飲食資訊？即刻Follow @sohyeon_sharing 留意最新推介喇🤩
